TVB綜藝又揀錯歌 父親節唱《單車》點解唔適合?

·1 分鐘文章

繼上次《萬眾同心公益金》安排周柏豪同鄭融緊接勉勵失業人士環節演唱《一事無成》之後,TVB綜藝節目又揀錯歌啦!

上星期六嘅《日日媽媽聲》搵到區永權、楊潮凱同周志康齊齊傾爸爸經,仲安排佢地彈結他唱歌頌父愛歌曲,點知其中一首就係陳奕迅嘅《單車》。

聽落好似冇問題,但係《單車》嘅填詞人黃偉文就對於呢個美麗的誤會作出解說。Wyman曾經喺專欄寫過,歌詞係對性格傳統嘅父親,未有表達愛意嘅投訴。Wyman喺當時嘅文章更表明《單車》「的確是點給全世界父親收聽的,卻不全是善意的」。

不過都唔止一個人get錯,前港隊代表黃金寶,就托另一位前港隊單車手洪松蔭代問Wyman,歌詞係咪寫名寶同爸爸嘅故事。而且首歌派台時間正值父親節前後,呢個誤會於是發生咗好多年。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能