溜冰女神馬曉晴做《真·女神轉身》嘉賓 紅到日本被封「港版石原聰美」

J2全新節目《真·女神轉身》喺噚日（2日）首播，節目搵嚟余德丞、林俊其擔任主持，每集更邀請唔同「女神」級人物做嘉賓，實在非常吸引！首集就有前香港花式溜冰代表，被封為「港版石原里美」嘅馬曉晴（Maisy）做嘉賓。

21歲嘅馬曉晴，喺3歲時因爸爸工作關係，與家人移民到北京，並喺當地就讀國際學校。當時佢屋企附近有溜冰場，而佢就喺5至6歲開始學習花樣溜冰，去到10歲更開始參加全國性比賽。Maisy喺13歲嘅時候前往美國升學，並繼續溜冰訓練，15歲開始參加成人組國際賽。 而佢人生第一面國際獎牌就係2016年喺冰島奪得花式溜冰女子單人滑銀牌。去到2017年，Maisy成為亞洲冬季運動會嘅香港隊開幕禮持旗手。2018年Maisy因右腳踝舊患困擾而宣佈退役，忍痛放棄平昌冬季奧運會。退役後佢專心讀書，成功考上麻省大學嘅傳播與媒體研究課程，其後更修讀運動管理系碩士。現時Maisy除咗係溜冰教練之外，佢亦都開設個人影片頻道，間中上傳溜冰片段、開箱文及本地旅遊Vlog等與網民分享。

Maisy除咗深得香港網民愛戴之外，佢亦得到日本媒體嘅關注，大讚佢樣子甜美可愛，更封佢為「港版石原聰美」及「石原聰美的雙胞胎妹妹」。唔知大家又覺得Maisy同石原聰美似唔似樣呢？

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！