姚焯菲Chantel新西蘭被野生捕獲近照曝光 網民： 面圓圓 好可愛

「聲夢小花」姚焯菲（Chantel）喺TVB歌唱選秀節目《聲夢傳奇》獲得亞軍後入行，貴為人氣王嘅佢擁有唔少粉絲，不過佢上年年初選擇遠赴新西蘭留學，令唔少粉絲不捨。較早前佢返香港完成演唱會後便返回當地升學，兼渡過18歲生日。當時Chantel都有上載慶生照片到社交網站與網民分享，唔少粉絲都留言隔空送上祝福。日前，有網民喺小紅書分享與Chantel嘅合照，Chantel嘅babyfat身型好吸晴。

樣靚聲甜嘅姚焯菲，日前喺新西蘭被網民野生捕獲，並將與其合照上載到小紅書，並留言表示行出餐廳就偶遇Chantel，並大讚佢「人靚聲甜，超級nice」，相片中嘅Chantel以素顏示人，睇落非常青春可人，著上粉紅色露肩上衣，不過佢睇落就明顯發福咗，除咗塊面比以往圓碌碌之外，身形都好似脹咗。唔少網民都留意到Chantel好似發福咗，留言話：「胖了不少，差點沒認出她來」、「素顏皮膚好靚，係髮型問題啫，只是圓潤了一些」；不過亦有網民覺得Chantel依然靚女，留言話「素顏的Chantel耶～皮膚狀態蠻好了已經」、「好可愛」、「我幾鍾意佢，嗰樣好甜」及「人好看穿什麼都好看的啦」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！