《愛·回家之開心速遞》又有新角色登場 康華飾演熊心如嘅媽媽?

image

無綫處境劇《愛·回家之開心速遞》深受港人歡迎,口碑及收視不俗,唔少抵死搞笑劇情更成為網上熱門討論話題。早前劇組宣布又再添食,雖然有部份演員暫別及離開劇組(「Mandy」謝芷倫、「博士」馬貫東及「傻強」馮奕森),不過亦會有新角色加入,好似楊玉梅、彭懷安(Eddie)先後宣佈加入劇組及喺大年初三以客串形式出場飾演崔Auntie嘅盧宛茵(Madam Lo)。而今晚播出嗰集亦會有新演員登場,呢個人就係康華。

喺最新嘅劇集預告中,康華飾演熊樹仁(單立文飾)嘅前女友,佢去搵熊樹仁追尋女兒嘅下落,而熊樹仁就話當年佢生咗個女之後就揼底咗比佢,呢個BB女唔知道有佢呢個媽媽。當時熊心如(蘇韻姿飾)聽到晒,佢仲開始懷疑自己係熊樹仁嘅私生女。喺預告尾段,康華仲自稱係心如嘅媽媽。

image
image

而蘇韻姿就喺IG上載咗同康華嘅合照,之後留言話:「呢個女人究竟同我有咩關係㗎?🤔🤔 聽晚同後晚密切留意🙏🏻😇

image

如果大家有興趣知道嘅話,記得密切留意喇!