《愛·回家》「食屎陳師奶」孫慧蓮退休前係訓導主任 連羅家英都係佢學生

·2 分鐘文章
食屎陳師奶
食屎陳師奶

無綫處境劇《愛·回家之開心速遞》長做長有,唔少劇中演員更憑角色成功入屋,當中包括飾演「食屎陳師奶」嘅孫慧蓮。近日羅家英及汪明荃分別上載小學聚會嘅合照,而相片中竟然發現「陳師奶」嘅身影,原來已經84歲嘅陳師奶係75歲羅家英嘅老師。

喺劇中嘅「食屎陳師奶」係一個諸事八卦又貪小便宜嘅人,而現實中嘅孫慧蓮斯文有禮,係一個單親媽媽,母兼父職,更做3份工湊大3個女,曾經喺五間唔同嘅官立小學任教長達三十九年,未退休前係一名小學訓導主任,兼任芭蕾舞導師,仲同Ben Sir歐陽偉豪做過同事,一齊處理訓導工作。21歲嘅時候,佢喺觀塘官立小學任教,而當時讀緊5年級嘅羅家英就係佢其中一個學生。

喺1996年,孫慧蓮喺香港電台做兼職,當時見到藝員招聘嘅通告,於是佢就膽粗粗去試鏡,之後就成為兼職特約演員。2006年退休後,佢轉做全職港台特約演員,開始演藝生涯,追尋兒時嘅演員夢。另外,佢仲係一個好有善心嘅人,除咗用積蓄興建學校之外,佢仲經常做義工,例如幫小朋友補習、賣旗及探訪老人院等等。

羅家英及汪明荃上載小學聚會合照
羅家英及汪明荃上載小學聚會合照
羅家英及汪明荃上載小學聚會合照
羅家英及汪明荃上載小學聚會合照
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能