《調教你MIRROR》網民呻剪到又碎又亂 第6集說好的調教Frankie去咗邊?

《調教你MIRROR》截圖
《調教你MIRROR》截圖

ViuTV真人騷節目《調教你MIRROR》自播出以來好壞參半,有網民認為只得半個鐘到喉唔到肺,有啲就嫌節奏太慢,噚晚嗰集更有網民大呻睇到好亂。

噚晚播出嘅第6集,本來係要調教隊中隱形人Frankie(皮皮), 花姐(黃慧君)覺得Frankie已經31歲,但因為性格問題令佢完全唔起眼,花姐覺得Frankie好懶散,演戲課程半途而度,又無練好唱歌。 點知節目中途變咗整蠱Anson Kong(AK)環節,梁祖堯安排AK、Alton、Frankie去麵包店打工,之後安排演員麥子樂大鬧麵包店,畀$1,000再借題發揮鬧三位找錯錢。大家都估AK 會忍唔住發脾氣,點知佢零脾氣之餘即刻俾返$10麥子樂,仲立即道歉。後來三位先知自己被整蠱。之後又無端端變咗麥子樂分享會,又搞個我最喜愛Mirror成員頒獎禮,而得獎者係Tiger唔係Frankie,成集Frankie都只得幾句交代自己諗法。

說好的調教Frankie去咗邊,似係調教 AK多啲, 睇到成班觀眾都話睇到好亂,例如「其實真係差,利申有睇過調教你男友,有啲好貪心感覺,乜嘢都想做,感覺上應該講左好多野唔出得街,其實剪接得太差」、「調教皮皮但spotlight都係去左ak到」、「其實到呢一刻都好失望 唔知剪咗啲咩出嚟」、「得30分鐘每日都剪到咁碎,其實有時候都唔知自己睇咗啲乜嘢,不過算啦當就咁齋睇Mirror都OK,相信如果每一集一個鐘一定更加好」、「剪到好碎好散,集集都好似唔到肉就完」、「今集係碎係事實,講左三樣野,其中一個突然有選舉頒獎,奇奇怪怪咁」及「明明講緊Frankie,無lala又想裝AK發脾氣,場十蚊紙戲應該睇到AK,Frankie,Alton同觀眾R曬頭,最尾嗰個唔知乜鬼頒獎又係黑人問號」等等。

《調教你MIRROR》截圖
《調教你MIRROR》截圖
《調教你MIRROR》截圖
《調教你MIRROR》截圖
《調教你MIRROR》截圖
《調教你MIRROR》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!