《First Love 初戀》掀起回憶殺 如果拍港版搵邊個飾演好？網民： 阿姐、家英哥

Netflix日劇《First Love 初戀》由滿島光及佐藤健主演，以宇多田光經典名曲《First Love》和《初戀》作為靈感，劇情主要講述男女主角初戀分手後，相隔20年重遇嘅愛情故事，純愛劇情成功俘虜全球劇迷，掀起一波回憶殺。有網民喺社交網站出PO，討論港版Casting人選，吸引大批網民熱烈討論，唔知大家又覺得以下人選適唔適合呢？

佐藤健喺劇中演活深情男主角並木晴道，網民們就認為駱振偉（Thor）、王宗堯、黃宗澤、方力申等男星適合做港版晴道。至於滿島光喺劇中飾演清新脫俗嘅女主角野口也英，網民就認為鄧麗欣、COLLAR成員芯駖及李佳芯等女星適合做港版也英。另外，亦有網民認為羅家英與汪明荃同樣適合做港版晴道及也英。

至於年輕版方面，木戶大聖喺劇中飾演少年晴道，網民認為新生代男神魏浚笙（Jeffrey）適合。而八木莉可子喺劇中飾演少年也英，劇集一上架就有唔少網民表示會越睇越似余文樂，仲搞笑話係「余文樂扮女人」，所以有唔少網民認為如果香港翻拍嘅話要搵余文樂飾演也英。另外，亦有網民認為袁澧林及林愷玲都適合做少年也英。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！