《28年後》全片用iPhone拍攝 竟然係用呢個型號︳電影LOL

手機拍片你我都識，用手機拍電影都唔係新奇事。由《一百萬零一夜》、《迷幻列車》導演Danny Boyle執導嘅新片28 Years Later（暫譯《28年後》），近日就有報導指係用iPhone拍攝。

有咩咁特別？《28年後》估計成本係7500萬美元，暫時係以手機拍攝嘅電影當中最高成本。外媒Wired報導話，劇組人員要簽保密協議，唔可以爆套戲係用iPhone當攝影機。由流出照可見，用作拍攝嘅iPhone以保護殼罩住，加上電影拍攝級數嘅單反鏡頭，同你出去拍旅行片嘅陣容當然唔同。電影於今年中開機，使用嘅iPhone型號係15 Pro Max，合理嘅！唔同拎部未出嘅16咩。

《28年後》係經典喪屍片《28日後》、《28週後》嘅延續，2002年嘅《28日後》係以當年高端消費級數嘅DV機拍攝，仲係要入錄影帶嗰隻。《28年後》用iPhone拍，唔止係噱頭，亦可以話係承接前作畫面風格。

《28年後》之後嘅另外2套《28日後》延續篇電影，暫時未知會唔會都係用iPhone拍。而《28年後》就會搵返第一集嘅男主角、而家貴為影帝嘅Cilian Murphy演出。《28年後》將於明年6月上映，到時最新嘅iPhone應該仲係16嘅。

更多電影文章

痛愛完成式／變形金剛初始篇／不羈騎士／望月／撞鬼遇到愛／JUNG KOOK: I AM STILL／人間蒸發株式會社︳電影LOL 今期睇咩戲

茱莉亞羅拔絲大佬認叻「個妹有今日全靠我」 出自傳跪低認衰︳電影LOL

《未來戰士》有新發展 70歲占士金馬倫拍完《阿凡達》再拍廣島原爆故事︳電影LOL

《風林火山》預告片剪接師確認影片已完成 導演版本片長達6小時︳電影LOL

《小朋友齊打交》LF2港產遊戲拍大電影 古天樂天下一同試當真合製？︳電影LOL

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！