「佐治」張明偉屋企有來頭 老豆曾任三料議員 伯父係電盈前高層張永霖

·2 分鐘文章
「佐治」張明偉屋企有來頭 老豆曾任三料議員 伯父係電盈前高層張永霖
「佐治」張明偉屋企有來頭 老豆曾任三料議員 伯父係電盈前高層張永霖

上星期六晚播出嘅《愛.回家之開心速遞》,係飾演補習天王佐治嘅張明偉最後一次出場。張明偉上個月宣布會離開劇組,早幾日出席活動時都透露會離開TVB,合約幾個月後就完。佢又承認有公司向佢招手,但係「十劃都未有一撇」,並且想之後發展自己有份嘅樂隊。

難得拍《愛.回家》入屋,稍有知名度就離巢,係咪嘥咗個機會?唔緊要,原來張明偉家底唔錯,老豆同伯父都係社會賢達,有本錢做自己想做嘅事,梗係闖吓啦!

「佐治」張明偉屋企有來頭 老豆曾任三料議員 伯父係電盈前高層張永霖
「佐治」張明偉屋企有來頭 老豆曾任三料議員 伯父係電盈前高層張永霖

早幾日張明偉喺IG 出post提到同第一次同爸爸入馬場,玩得好開心。做得馬會會員梗係有來頭,張明偉老豆張永森係律師,1973年港大畢業,1982年獲委任為深水埗區議員,1985年起透過選舉出任該區民選區議員至2019年,其中喺2016-19年間更成為深水埗區議會主席。此外張永森1989-1999年做過市政局議員,1998-99年更出任立法會議員,換言之張永森有好一段時間係「雙料」甚至「三料」議員。張永森亦獲政府委任為太平紳士,2016年更獲銅紫荊星章。

張永霖
張永霖

而張明偉伯父張永霖都係大名鼎鼎,曾經係國泰航空副董事總經理,並獲邀參與港英時代中央政策組工作。90年代張永霖加入電訊盈科前身香港電訊出任CEO,被譽為打工皇帝。張永霖更加係李澤楷收購香港電訊交易嘅重要人物,至2004年辭任電盈副主席,有傳當時離職酬金高達4500萬。2008年張永霖加入亞洲電視成為執行主席,曾經豪言三年內令亞視轉虧為盈,不過一年後就以董事局有不公平情況為由辭職。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能