「古天樂唯一認愛女友」48歲黃𨥈瑩罕有露面 擁超強凍齡外表

1994年最上鏡小姐黃𨥈瑩曾與古天樂拍拖7年，亦係古天樂唯一認愛嘅舊情人，雖然已退出演藝圈，但其一舉一動仍獲關注。黃𨥈瑩息影並轉職美容行業後生活極低調，僅間中出席圈中好友嘅聚會。日前，黃𨥈瑩與處女劇《餐餐有宋家》「母親」盧宛茵、關寶慧、黎海珊及TVB前金牌監製潘嘉德聚會，順道為盧宛茵慶祝母親節。

關寶慧於IG分享聚會照，從照片中睇到，黃𨥈瑩頭戴Cap帽，穿上黑色T-Shirt和卡其色西裝褸，整體狀態依舊相當好，如同食咗防腐劑一樣。黃𨥈瑩獲選最上鏡小姐後簽約TVB入行，首套參演劇集為《餐餐有宋家》，與古天樂飾演盧宛茵嘅兒女「宋富」和「宋貴」，二人亦因此劇日久生情擦出愛火花，有指黃紀瑩與古天樂拍拖期間減產，直至分手後再活躍幕前，2011年拍完《On Call 36小時》就約滿離巢。

黃紀瑩曾與江芷妮、梁雪湄、黃𨥈瑩等昔日圈中好姊妹聚餐時抱住江芷妮囝囝，因而被誤會已結婚產子，好友江芷妮代解釋指黃𨥈瑩好鍾意小朋友，所以一得閒就會帶自己小朋友出去陪佢玩，但就唔肯向傳媒透露黃𨥈瑩任何感情狀況。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！