After Class 6月中首次殺入元宇宙！ 與歌迷大玩遊戲互動 以特別裝扮獻唱驚喜歌迷

「聲夢女團」After Class 4位成員炎明熹（Gigi）、鍾柔美（Yumi）、姚焯菲（Chantel）、詹天文（Windy）將於6月中破天荒殺入元宇宙，出席雅虎香港舉辧的《After Class玩轉元宇宙》節目，於Yahoo Metaverse內載歌載舞。今晚（27日）成員率先為元宇宙音樂節目預先錄製，連續獻唱三首歌曲，並與粉絲們大玩遊戲，炒熱元宇宙氣氛。

After Class四位成員親自操控著按照她們外貌設計而成的虛擬化身（avatar），於元宇宙內與歌迷互動玩遊戲，亦分享個人近況。After Class成員更獻唱《要為今日回憶》、《原來談戀愛是這麼一回事》、《Breakin’ My Heart》三首歌曲，合力為歌迷呈獻精彩表演。初次登錄元宇宙的四位成員更興奮、主動地帶領歌迷運用元宇宙功能做動作，為表演應援。

Gigi大讚avatar與自己形象神似 舞蹈擔當Yumi盡顯吝盡可愛本色

Gigi自信地表示自己於元宇宙內穿上任何服裝都絕對能被認出，皆因avatar與自己十分神似，有著「齊蔭」的獨特形象，容易被認得：「除咗齊蔭，雙眼都好似，因為都係細細哋。用avatar好似打機咁，好得意，不過我平時冇乜打開機，所以一開始都唔係好控制到個avatar，望落似醉咗咁，亂咁衝，好搞笑。今次喺元宇宙可以見到咁多粉絲，仲可以一齊玩，係個全新嘅體驗，希望好快就下一次。」

團內舞蹈擔當Yumi初次接觸元宇宙則顯得有點論盡，表示需要時間熟習及控制avatar：「初初控制個avatar個陣好似有啲手腳唔協調，一開始都用咗少少時間去熟習點控制，但好快就okay！多謝Yahoo今次嘅安排令我哋可以喺元宇宙裡面表演，打破界限同歌迷互動玩遊戲，真係諗都冇諗過，希望之後會有更多機會喺元宇宙表演。」

Chantel回味乘坐星球華麗登場似足公主 Windy望與許凱元宇宙內合唱新歌

少女心滿瀉的Chantel早已對下次表演充滿期待：「我哋坐喺星球，再飛去台上面唱歌，真係好夢幻，好似公主咁！喺元宇宙真係諗得到就有機會做得到。希望下次唱《原來談戀愛是這麼一回事》時，我可以好似MV咁變做一條魚，同大家一齊喺海裏面游住唱。」

最近有為劇集片尾曲獻唱的Windy，與Chantel一樣，希望下次於元宇宙表演時體驗不同的舞台背景及服裝：「今次我哋台下面就着《青春本我》嘅學生戲服同粉絲玩遊戲，上台就換另一套衫，同平時實體表演分別唔大，一樣咁有誠意。希望下次嚟到元宇宙可以破格啲，試下喺御饍房或者皇宮裏面唱我嘅新歌《愛情許可證》，最好有皇太孫許凱同我一齊表演，甚至合唱啦！順便可以試吓古裝打扮，睇吓大家會唔會鍾意先。」

《After Class玩轉元宇宙》音樂節目是由雅虎香港舉辦一連七日的Yahoo Metaverse活動之一。於2022年6月17日，透過網絡進入元宇宙內Decentraland的Yahoo Metaverse，走到天台舞台，就可以欣賞到精采的節目內容及After Class《要為今日回憶》音樂錄影帶。