【搵食大晒?】懶理私生女卓林訂婚藍潔瑛暴斃 成龍出席川港影視交流會

蘋果動新聞

成龍今日下午同王祖藍、阿姐汪明荃現身尖沙嘴一間酒店,出席一個名為「川港兩地影視文化交流日」活動。香港演藝內地發展協進會執行會長成龍自上月私生女「小龍女」吳卓林同女友Andi浪跡加拿大,被指執垃圾為生,又忽然係一間多媒體製作公司做老闆,卓林仲話喺4月29日已經同細12年嘅女朋友Andi訂婚(新聞連結:https://bit.ly/2SQ8j21 ),仲有成龍舊老闆、嘉禾創辦人鄒文懷逝世(新聞連結: https://bit.ly/2Ol15iV )同藍潔瑛暴斃,作為圈中大哥同前影藝人協會會長,成龍一直都冇親身回應。只係喺微博對舊老闆去世表示惋惜。

到今日終於現身嘅成龍見到有記者在場,佢一啲都冇避忌,仲大方同阿姐一齊合照。不過當記者要求做訪問嘅時候,佢就「趕開會」為由,唔接受訪問。反而同場嘅祖藍就好悠閒同記者講解今次活動嘅目的。

顧名思義今次嘅活動,係傾談四川同香港兩地嘅電影、電視協作,成龍作為香港演藝內地發展協進會執行會長,佢到場係理所當然,四川亦都派出官員加埋香港中聯辦副主任楊健參予。

(攝影:葉君海)
(攝影:葉君海)
經歷舊老闆離世、私生女訂婚,成龍噚日終於出現。
經歷舊老闆離世、私生女訂婚,成龍噚日終於出現。
阿姐同中聯辦副主任一齊出席活動。
阿姐同中聯辦副主任一齊出席活動。
香港電影工作者總會會長田啟文。
香港電影工作者總會會長田啟文。

其他內容