【新增回應】出現感冒徵狀 陳奕迅澳門個唱延期 Eason： I'm so sorry !

【1745 】

新增Eason 回應關於澳門演唱會延期舉行。

陳奕迅正在澳門進行FEAR AND DREAMS世界巡迴演唱會，但今日主辦單位表示，Eason喺10月16日三場澳門演唱會完畢後，「17日開始感到身體不適，出現感冒徵狀，求診後應醫生建議，需要休息」。主辦單位以「為歌手個人健康及確保能帶給每場觀眾有質素之表演」為由，決定將今個周五至周日3場演出，延至10月26日（星期四）、31日（星期二）及11月1日（星期三）期間補場。

消息一出已經有fans投訴，原本買咗飛「過大海」睇Eason，但因為補場日子係平日，fans請唔到假又或者放工趕唔切去澳門，唯有忍痛放棄。而原定Eason喺23日舉行嘅新碟簽名會，暫時未知會否改期。

今次Eason澳門演唱會分三個周末合共舉行9場，在上周六嗰場嘅互動環節中，有觀眾以命令口吻要求Eason「講國語」、「講普通話」。Eason 即時沉默數秒再用泰文打招呼，然後說「I love speaking whatever the way and language I want」，全場即時歡呼。他之後再用普通話教訓觀眾，稱「你可以說『麻煩你說國語』就比較好聽一點了，但你是『講國語！』。我不是不會講國語，我可以講國語，說得很流利也可以，你可以要求『多謝、請、麻煩你』。Eason 之後再轉用廣東話說「No no no, don’t get me wrong. 有人如果話”Speak English!” 我都是”Shut up” ，其實你聽唔明咪算囉」。

希望Eason唔係俾無禮觀眾激到病啦，祝早日康復。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！