【童話式婚禮】陸漢洋下周五娶苟芸慧 強調唔係用錢追到老婆

蘋果動新聞
陸漢洋下周五娶苟芸慧 強調唔係用錢追到老婆
陸漢洋下周五娶苟芸慧 強調唔係用錢追到老婆

下個星期五,就到陸漢洋同苟芸慧結婚喇,佢哋嘅婚禮會喺上水雙魚河舉行,而主題仲會係「童話故事」,真真正正係「童話式婚禮」。陸漢洋接受周刊訪問嘅時候,講到原來呢個童話式婚禮,一開始係嫌幼稚,直到佢聽咗苟姑娘嘅理由,就即刻答應,原係因為苟姑娘覺得同陸漢洋由拍拖到結婚,都係好似童話一樣。

陸漢洋又講到點娶得美人歸,佢就話絕對唔係因為錢,因為佢啱啱識苟姑娘嘅時候,苟姑娘以為佢只係一個UBER司機,仲話主要係靠上進心先追到苟姑娘。陸漢洋仲講到唔會擔心苟姑娘被搭訕,佢話因為每次有男人向苟姑娘搭訕,佢都會諗呢個女人係屬於自己,同埋苟姑娘對男性朋友都會有一條好清楚嘅界線。

一對新人嘅結婚相去咗法國、加拿大、韓國影,不過大多數嘅相都係睇到苟姑娘有幾靚,好少見到新郎哥,陸漢洋就因為覺得自己醜,所以少咗上鏡,同埋又覺得老婆好靚,想將嗰一刻好好地保留。

苟芸慧日前喺巴黎出席一個香水活動,呢個活動係最後一個單身工作之旅,除了參加慶祝派對,還進行咗拍攝工作,佢話:「這次巴黎之旅,遇到很多美人美事。雖然行程非常緊湊,但製作團隊十分專業,再配合了近乎完美的天氣,一切順利完成,十分感恩。」

婚禮主題仲會係「童話故事」
婚禮主題仲會係「童話故事」
陸漢洋下周五娶苟芸慧 強調唔係用錢追到老婆
陸漢洋下周五娶苟芸慧 強調唔係用錢追到老婆
結婚相去咗唔同地方影
結婚相去咗唔同地方影
啲相好少見到新郎哥個樣
啲相好少見到新郎哥個樣
陸漢洋就因為覺得自己醜,所以少咗上鏡
陸漢洋就因為覺得自己醜,所以少咗上鏡
苟姑娘幾咁靚
苟姑娘幾咁靚
苟芸慧
苟芸慧

其他內容