【道具出事?】大小姐林淑敏送入院 送水輝許家傑開工食物中毒

蘋果動新聞
送水輝許家傑開工食物中毒入院。(ig圖片)
送水輝許家傑開工食物中毒入院。(ig圖片)

大台處境劇《愛回家之開心速遞》入面演「送水輝」嘅許家傑,今日下午喺ig度貼相,相中嘅佢瞓喺病床上,臉色蒼白,頭髮冇乜點梳,不過仲有少少笑容。原來佢噚晚開緊工時食物中毒,由劇組同好拍檔飾演「大小姐」嘅林淑敏送佢入醫院,佢仲話咁大個仔都係第一次入醫院。

佢喺ig留言咁話︰「昨晚突然食物中毒,拍拍下野(嘢)又屙又嘔。多謝,《愛回家之開心速遞》劇組立即將我送去醫院。看見大家對我咁緊張真係好感動,呢次亦都係我人生第一次住醫院同拍攝中途突然病倒,其實拍處景(境)劇每一日都好重要,因為我而令大家工作受阻真的萬分抱歉。再一次感謝幕後工作人員既(嘅)照顧和包容!係度同大家報平安我好番好多,我會盡快康復!特別嗚謝,大小姐親自送我去醫院真心感激。」

唔少網民都留言叫佢保重同埋多休息,不過有網民就問佢︰「你不會是吃道具吧!」呢方面「送水輝」就冇講,究竟佢食咗啲乜,搞到食物中毒呢?就只有佢自己知。

經過一晚留院,佢喺ig貼相報平安。 (ig圖片)
經過一晚留院,佢喺ig貼相報平安。 (ig圖片)
佢話係劇組同大小姐送佢入院。(ig圖片)
佢話係劇組同大小姐送佢入院。(ig圖片)

其他內容