【電影LOL】Disney+11.16登陸香港 738蚊年費有咩睇？

Disney+串流平台將於11月16日正式登陸香港，平台將會有齊迪士尼、Marvel、彼思、星球大戰、國家地理同Star等6大品牌作品，香港觀眾只需俾73元月費或者738元年費就可以欣賞到超過1200套電影及過萬套劇集！

迪士尼旗下品牌各有特色，相信Marvel最多fans，平台其中一大賣點當然係Marvel劇集，隨住MCU第4階段展開，同一時間推出劇集豐富人物故事線，WandaVision、Loki、The Falcon and The Winter Soldier引起熱話，11月24日將會推出《鷹眼》（Hawkeye），Marvel迷不能錯過！

另外等彼思動畫，除長片動畫外，短片一樣吸引，依家可以一次過喺Disney+睇哂，好似小朋友好愛嘅《反斗車王》「哨牙麥」就有唔少個人短片，以及奧斯卡得獎短片Bao等。另外仲有《反斗奇兵》、《怪獸公司》外傳等等！

除咗Marvel、星戰相關劇集，喺Star品牌下亦有大量美劇睇，例如《醫人當自強》、《美國恐怖故事》及《阿森一族》等，不過筆書比較期待迪士尼自家出品，好似大熱音樂劇《咸美頓》、新版《小姐與流氓》以及青少年劇集《天才兒童神祕學會》等，「蜘蛛女」Zendeya、樂壇小天后MileyCyrus童星時代拍過唔少Disney劇！

開得香港區一定有香港專屬內容，你會搵到韓片《屍殺列車》、《與神同行》等大量亞洲電影，另外亦會有《乜代宗師》、《點五步》等港產片，夠哂親切！

香港區部份內容會加入廣東話配音及繁體中文字幕選項，平台介面亦加入繁體中文選項。Disney+支持4部裝置同時串流或下戴至最多10部機，每個帳戶最多可以有7位用家，一個平台全家老幼可以各自建立屬於自己嘅片單，小朋友可以睇動畫同一時間父母可以睇Marvel，各有各睇唔駛爭！

Diseny+仲有「GroupWatch」功能，最多可以同7個user連線，邊睇邊send反應符號，足不出戶都可以同親朋好友交流，幾好玩下！

更多電影文章

【電影LOL】今期睇咩戲 荷里活有個耆福黨 ／ 午夜天鵝 ／愛登士家庭2

【電影LOL】金馬獎入圍名單公布 港片《濁水漂流》獲12項提名

【電影LOL】《毒魔》開畫北美大收 仲有機會加入Marvel宇宙？

【電影LOL】《迷幻列車》外傳拍電視劇 「巴閉」做主角

【電影LOL】拍到片商要賣盤 《007：生死有時》堅持戲院放映有回報 有望打破《復仇者聯盟4》開畫紀錄

【電影LOL】鄭保瑞8年新作《智齒》chur盡主角 林家棟：係攞命拍法！

【電影LOL】亞洲電影節港產片名單好吸引 《12夜》姊妹作《12日》楊潮凱執導sheshe片《喜歡妳是你》

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載