雅虎香港新聞 【電影LOL】鄭保瑞8年新作《智齒》chur盡主角 林家棟：係攞命拍法！
鄭保瑞導演籌備、製作8年之久新作《智齒》於多個國際影展大放異彩，去年成為柏林影展「特別放映」單元唯一一部入選嘅華語電影更被影展選為十部最佳必看的電影之一；榮獲第23 屆意大利烏甸尼遠東電影節Purple Mulberry Award；獲亞洲電影大獎最坐男主角、最佳攝影、最佳美術指導及最佳音響4項提名，成績驕人！
《智齒》故事講述從學堂畢業的任凱(李淳 飾)，因一宗連環兇殺案，與剛復職的展哥開始搭檔，案破不到反而引發連串事故。展哥(林家棟 飾)重遇殺妻兒的街童王桃，被激發的恨意一發不可收拾任凱大意失槍，誤被兇手所獲，兇手潛伏在城市之中，危機正逐步逼近...
林家棟受訪時指鄭導「係攞命拍法」，拍攝期間傷及肋骨，休息3小時又要繼續拍攝動作場面。女主角劉雅瑟戲中遭受拳打腳踢外，多場戲份要半裸喺滿佈垃圾及污水嘅場地拍攝，敬業嘅佢為免影響收音，連打底膠紙都無用！飾演拾荒者嘅日本男星池內博之為咗演好角色，短短1個月減30磅，幾位主角為戲搏盡！
《智》係鄭保瑞導演繼《意外》、《殺破狼2》回歸暗黑暴力之作，以港產片少有全黑白形式呈現。電影曾於2019年推出有別現今版本嘅彩色預告片，導演表示黑白片並非原意，其後發現去掉顏色只剩黑白，有助集中而且更適合電影氛圍。《智》全片充滿壓抑不安、血腥斷肢等畫面，加上垃圾堆中拍攝，黑白呈現確實更易集中。
《智齒》受疫情影響被逼延後映期，終於暫定年底上映！距離正式上映仲有幾個月，電影公司知影迷等了又等，所以下月初（10月9日）特別舉辦「SOI MOVIE PARADE 鄭保瑞電影馬拉松」活動，6小時連續放映導演嘅《狗咬狗》、首度於大銀幕重映的《軍雞》以及新作《智齒》。
活動當日除咗會派紀念戲票俾到場觀眾外，鄭導更會出席映後分享，想知多啲《智齒》創作秘辛嘅朋友萬勿錯過。
更多電影文章
【電影LOL】今期睇咩戲 凶靈祭／#PTGF出租女友／小馬寶莉：新世代／撲克神算師
【電影LOL】亞洲電影節港產片名單好吸引 《12夜》姊妹作《12日》楊潮凱執導sheshe片《喜歡妳是你》
【電影LOL】《毒魔》新片突然提早10月上畫 出呢招暗示會同蜘蛛俠合作？
【電影LOL】型男小田切讓首部自編自導自演日劇 親身上陣扮爆粗警犬
【電影LOL】又一套經典重拍 今次係Whitney Houston嘅《護花傾情》
【電影LOL】華納搞串流平台得罪《天能》大導 Christopher Nolan宣布轉會
【電影LOL】泰、韓恐怖片大師合作《凶靈祭》得人驚到要搞開燈放映俾細膽觀眾
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
