【電影LOL】《毒魔》新片突然提早10月上畫 出呢招暗示會同蜘蛛俠合作?

·2 分鐘文章

由湯哈迪(Tom Hardy)、活地夏里遜(Woody Harrelson)、Michelle Williams、Naomie Harris等人主演嘅《毒魔:血戰大屠殺》改咗多次片期,近日北美地區突然提早至10月1日上映,香港訂於10月13日上映,未知香港片期會唔會跟住提前,如果係就會同《007:生死有時》打到應一應!

距離北美映期唔夠2星期,連帶《毒魔2》嘅宣傳都急急地,甚至好遲先推出宣傳品,套戲外地做哂首映同影評場先嚟出角色海報。可能見宣傳期咁短,有嘢見街緊要個宣傳時間表!首集《毒魔》票房未至於破紀錄高開都收咗8億美元,不過Tom Hardy演繹嘅「毒魔」明明係反派,出嚟竟然cute cute地,仲有幾分港女特質,意外成為受歡迎meme圖!

見港女mode咁受歡迎,男主角Tom Hardy今集唔止幕前演出仲做埋編劇,將「毒魔」一餓就發脾氣又有少少麻麻煩煩嘅特質發揚光大,對戰由另一好戲之人Woody Harrelson飾演嘅血魔!外娛對Woody嘅演出讚不絕口,話血魔係最正嘅反派咁話,受限於保密協議未可以大講特講,只能賣關子話片尾有大驚喜!

其實套戲開拍以來,觀眾最關心毒魔幾時同蜘蛛俠同場,導演Andy Serkis接受《IGN》訪問時派哂定心丸話合作係遲早嘅事,叫大家唔好心急耐心等候。幾日前(17日)導演Lin Oeding將Tom Hardy戴住《蜘蛛俠:不戰無歸》帽嘅合照post喺ig,之後又極速刪post,影迷紛紛柯南上身,推斷「毒魔」同「蜘蛛俠」已經有合作!

事實上Tom Hardy唔止一次喺訪問中提到佢對「毒魔」信心十足,希望角色可以於漫威嘅多重宇宙中出現,暗示同「蜘蛛俠」一個合作唔夠,最好成為漫威電影一份子,相信好快會見到毒魔同唔同Marvel角色crossover!

更多電影文章

【電影LOL】今期睇咩戲 沙丘瀚戰/絕路狂逃/安妮特

【電影LOL】型男小田切讓首部自編自導自演日劇 親身上陣扮爆粗警犬

【電影LOL】又一套經典重拍 今次係Whitney Houston嘅《護花傾情》

【電影LOL】華納搞串流平台得罪《天能》大導 Christopher Nolan宣布轉會

【電影LOL】泰、韓恐怖片大師合作《凶靈祭》得人驚到要搞開燈放映俾細膽觀眾

【電影LOL】《末日先鋒:戰甲飛車》戰車拍賣 $1起標價高未必得

【電影LOL】《22世紀殺人網絡 復活次元》玩紅藍藥丸橋段 chok出18萬款電影片段!

【電影LOL】彗星撞地球世界末日!巨星雲集《千萬別抬頭》梅麗史翠普演總統影射邊個?

【電影LOL】宮崎駿又退休唔成做企畫 吉卜力首套全電腦動畫《安雅與魔女》

按此下載 Yahoo APP 9月免費送一萬個蛋撻王Q嘜蛋撻,仲有貓山王榴蓮冰皮月餅/鳳梨奶黃月餅同你賀中秋,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能