【電影LOL】彗星撞地球世界末日!巨星雲集《千萬別抬頭》梅麗史翠普演總統影射邊個?

·3 分鐘文章

串流平台有好多選擇,有時㩒嚟㩒去搵嘢睇仲耐過真係睇劇或戲,不過為咗製作海量節目,質素未必有保證,演員陣容豪華都可以係爛片!Netflix電影《千萬別抬頭》(Don't Look Up)集齊荷里活巨星梅麗史翠普、里奧納度狄卡比奧、姬蒂白蘭芝(Cate Blanchett)、珍妮花羅倫絲(Jennifer Lawrence)、「甜茶」Timothée Chalamet、Jonah Hill、樂壇小天后Ariana Grande等參演,陣容超班!

Cast咁勁,最怕期望越大失望越大!《千萬別抬頭》由《沽注一擲》、《為副不仁》金像導演Adam McKay編劇及執導,憑《沽》攞過奧斯卡最佳改編劇本嘅佢其實拍喜劇起家,早期同美國喜劇演員Will Ferrell合作創作劇本,其中合作電影The Other Guys喺美國大受歡迎。後來作品題材偏正經,不過《沽》及《為》証明佢敍事功力以及應付大堆星級演員嘅調度能力。

今次《千萬別抬頭》Adam McKay回歸喜劇,講述珍妮花羅倫絲飾演嘅天文學者Kate及佢位騰雞教授Dr. Mindy(里奧納度狄卡比奧 飾)研究發現將有彗星撞落地球導致世界末日,佢哋四出走訪警告世人,包括美國總統Orlean(梅麗史翠普 飾)上電視節目受訪,日日夜夜曝光成為話題,可惜無人認真對待佢咃嘅末日預言!

戲內梅姨飾演嘅總統驕傲又自以為事,對「末日」警告一事闊佬懶理,仲話年中開唔少末日應對會議結果年年都無事。飾演梅姨個仔兼總統幕僚長Jason(Jonah Hill 飾)似無腦,里安納度講緊世紀災難得罪人多時,佢在意係對方嘅呼吸聲令佢好緊張有壓力喎!梅姨個總統look真係好搶戲,超似北美地區撞口撞面嘅婦人!不過總統及幕僚長自大嘅設定係咪有心影射?

導演Adam McKay訪問時表示,角色係為珍妮花羅倫絲度身訂造,更係第一位確定加入嘅演員。珍妮花羅倫絲自對上一次擔正做女主角已經係2018年《紅雀特工》,之後客串《變種特攻:黑鳳凰》後幕前小休,《千》相隔3年再次擔正做女主角嘅電影。

疫情期間導演同里奧納度狄卡比奧就角色及劇本作多次討論,更大讚對方熟悉電影史,幫手潤飾劇本。而里奧納度則大讚導演將時事、喜劇完美結合,同觀眾產生共鳴!

《千萬別抬頭》會先上戲院大銀幕,2星期後12月24日於Netflix獨家播映,同《水行俠2》、《蜘蛛俠:不戰無歸》打到正!

更多電影文章

【電影LOL】今期睇咩戲 禁室殺戮2/咒術屍戰/911算命律師/看不見的愛/聖慾

【電影LOL】《末日先鋒:戰甲飛車》戰車拍賣 $1起標價高未必得

【電影LOL】《22世紀殺人網絡 復活次元》玩紅藍藥丸橋段 chok出18萬款電影片段!

【電影LOL】彗星撞地球世界末日!巨星雲集《千萬別抬頭》梅麗史翠普演總統影射邊個?

【電影LOL】宮崎駿又退休唔成做企畫 吉卜力首套全電腦動畫《安雅與魔女》

【電影LOL】導演爆《水行俠2》變恐怖片 Jason Momoa造型由巨型栗米變暗綠龍王

【電影LOL】Daniel Craig最後一戰!《007 : 生死有時》上畫前夕 片商推紀錄片造勢

【電影LOL】《尚氣》唔夠人氣 迪士尼搵梁朝偉狂做訪問谷戲

【電影LOL】打鬥連場 係咪虐老?75歲史泰龍拍《轟天猛將》外傳

按此下載 Yahoo APP 9月免費送一萬個蛋撻王Q嘜蛋撻,仲有貓山王榴蓮冰皮月餅/鳳梨奶黃月餅同你賀中秋,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能