【電影LOL】打鬥連場 係咪虐老?75歲史泰龍拍《轟天猛將》外傳

·2 分鐘文章

《轟天猛將》(The Expendables)首集於2010年面世,由老牌爆肌動作巨星史泰龍自導自演,由佢牽頭曬冷式call齊多位動作巨星李連杰、積遜史達頓、布斯韋利士、阿諾舒華辛力加等主演,以硬漢子動作連場做賣點。組合當年幾有睇頭,全球總票房大收3億7300萬美金,成為出品公司Lionsgate除《飢餓遊戲》系列以外最賺錢電影。

見咁收得當然開續集仲有第3集,不過史泰龍無再為系列執導,就算集集加入其他老牌影星如夏里遜福、米路吉遜等,同一條橋玩3次都無哂新意。2014年第3集無啦啦想吸年輕觀眾,加入年輕演員,結果人太多故事反而拖唔爽快,事實上後生觀眾對老牌動作影星無感,仲要同Marvel《銀河守護隊》、《Lego英雄傳》對打,結果《轟3》票房不如預期,不過都收2億5000萬美金。

事隔8年,Lionsgate宣布今年秋季開拍《轟天猛將4》,由《極速激戰》導演Scott Waugh執導,確定原有班底史太龍、積遜史達頓、龍格爾、蘭迪古卓將會繼續參演,仲會加入50 cents、泰國動作片巨星Tony Jaa,女主角將由《變型金剛》、《長相屍手》美瑾霍絲(Megan Fox)擔任!

外媒Forbes就唔睇好《轟4》,認為電影公司為拍而拍,盡力搾乾手頭IP,《轟3》已經了無新意、無見好就收咁話。主腦史泰龍8年前拍《轟3》時都67歲,戲入面已經少好多動作鏡頭,都係靠借位擺post多過真打……依家再開新一集,算唔算虐老?

其實早前史泰龍喺自己社交媒體透露,正為名為Christmas嘅《轟天猛將》外傳做準備,而喺《轟》佢個角色正正叫Lee Christmas。Lionsagate暫時亦無講清楚新一集係咪延續《轟天猛將3》故事。

如果想系列長拍長有,怕且都要鋪定路由積遜史達頓擔正,又或者轉推系列外傳,《狂野時速》外傳《雙雄聯盟》就係好成功嘅例子,不過好似《狂野時速》咁拍咗9集,集集創票房新高嘅系列電影少之又少。《轟4》可唔可以成為Lionsgate金蛋,真係要睇片先知!

更多電影文章

【電影LOL】今期睇咩戲 鱷魚君最後的100天/糖魔怪客/復仇殺姬/熱唱吧/叱吒風雲/爸爸,對不起

【電影LOL】Netflix9月搞節目巡禮Tudum 3個鐘頭巨星放題新劇片段任睇

【電影LOL】戴妃電影Spencer預告曝光 幾個鏡頭交待皇室華麗背後實況?

【電影LOL】高先嘉禾經典電影重溫活動 睇奇洛李維斯張孝全青澀舊片

【電影LOL】《蜘蛛俠:不戰無歸》預告片流出 電影公司補鑊推官方版出場 亮點有呢幾個!

【電影LOL】Netflix邀曾國祥執導 《三體》有幾難拍?睇呢三點

【電影LOL】《梅艷芳》預告片演員陣容曝光 未見曾志偉吳若希出場

【電影LOL】Wes Anderson新片Scarlett Johansson四星列陣 點解考起迪士尼?

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能