【電影LOL】高先嘉禾經典電影重溫活動 睇奇洛李維斯張孝全青澀舊片

·2 分鐘文章

電影喺大銀幕睇同喺電視上睇,觀影感受截然不同!個個星期都有大量新片上映,不過香港租貴,戲院為咗交租都要絞盡腦汁度啲特備節目嚟吸客,不時有National Live Theatre、MET歌劇、演唱會等節目,仲會搞經典電影重溫,種類繁多,最受惠一定係觀眾!

嘉禾院線一向有搞開「細味經典」系列,之前重映經典包括有《發條橙》、《月黑高飛》、《危險人物》及《2001太空漫遊》等大師作品,今個星期則有1991年由吉士雲辛(Gus Van Sant)編劇執導、由奇洛李維斯及己故影星里華馮力士(River Phoenix)主演嘅同志電影《不羈的天空》。

電影講述麥克和斯考特同是淪落街頭的男妓,但卻有差別甚大的家庭背景和心理動機。麥克(里華馮力士 飾)患有渴睡症,飽受破碎的童年回憶夢魘困擾,一心只想尋找失散多年的母親;斯考特(奇洛李維斯 飾)出身名門,自甘墮落尋找人生意義,消耗時間直至繼承父親的一切。兩位好友踏上公路之旅,途中結識了各色人等,經歷了生活中的苦與樂。

《不》可以重溫年輕嘅奇哥,另一主演River Phoenix英年早逝,作品雖然不多不過獨特氣質叫人難忘,至今喺美國影迷心中仍佔一席位。奧斯卡影帝兼親弟「小丑」華堅馮力士受佢影響而踏上演員之路。

高先電影院就推出《盛夏光年:十五週年4K數位修復版》,電影由陳正道執導,由張孝全、楊淇及張睿家主演,故事改編至許正平短篇小說《光年》,講述品學兼優的男主角康正行(張睿家 飾),從小就被老師安排與性格反叛的余守恒(張孝全 飾)做朋友,兩人自此成為密不可分的摯友,直至一天,從香港歸台的女孩杜慧嘉(楊淇 飾)出現,兩人單純的友情開始變質,進而發現了許多藏在內心深處難以言喻的情感。

張孝全當年仲係新人,戲中與另一男主角張睿家激情戲當年引起哄動,2男1女編織咗青春、少男同性戀經典。電影入圍4項金馬獎,張睿家憑《盛》獲得金馬最佳新演員殊榮。仲有台灣天團五月天創作嘅同名主題曲,9月初可以重溫15年前嘅青春夏天,不容錯過!

更多電影文章

【電影LOL】今期睇咩戲 怒火/回憶潛行/汪汪隊立大功大電影/蠟筆小新劇場版/千年一問

【電影LOL】《蜘蛛俠:不戰無歸》預告片流出 電影公司補鑊推官方版出場 亮點有呢幾個!

【電影LOL】Netflix邀曾國祥執導 《三體》有幾難拍?睇呢三點

【電影LOL】《梅艷芳》預告片演員陣容曝光 未見曾志偉吳若希出場

【電影LOL】Wes Anderson新片Scarlett Johansson四星列陣 點解考起迪士尼?

【電影LOL】《男兒當入樽》電影版再有消息 下年秋季日本上映

【電影LOL】迪士尼改發行模式 當《尚氣》白老鼠?男主角劉思慕公然爆粗頂撞老細 或另有原因

【電影LOL】Disney+ 正式登陸香港 11月有得睇

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能