【電影LOL】Disney+ 正式登陸香港 11月有得睇

·2 分鐘文章

最新消息Disney+串流平台將於今年11月正式登陸香港,將會有齊迪士尼、Marvel、彼思、星球大戰、國家地理同Star等內容,以後迪士尼嘅上映策略未必限於北美地區,香港都有可能要跟,部份新片分分鐘得Disney+有得睇!

自新冠疫情開始,戲院又開又閂,幾大荷里活片廠好似迪士尼、華納等為咗自救紛紛推出自家串流平台,期間推出多個上映策略:戲院串流平台同步,或者串流平台獨家優先播等。

迪士尼嘅策略最多,好似主打中國市場點知變成「辱華」嘅《花木蘭》,Disney+平台獨家,不過要先訂閱頻道之後仲要俾多30蚊美金買Premier Access先有得睇,睇套《花》要俾40蚊美金,點知成績意外地好,因為唔駛同戲院分成,實收入仲高過同期嘅《天能》!

《花木蘭》後《黑寡婦》、《幻險森林奇航》喺北美地區以戲院、Disney+ Premier Access同步上映,單喺串流平台2套戲分別為片廠帶嚟6000萬及3000萬美元可觀收入!不過「黑寡婦」Scarlett Johansson日前入稟告Disney無同佢商量就決定將電影戲院、串流平台同步上映,間接令佢損失票房分紅5000萬美元。

不過套套戲嘅上映策略都唔同,迪士尼CEO Bob Chapek日前証實Marvel 9月新片、有梁朝偉、楊紫瓊及陳法拉主演嘅《尚氣與十環幫傳奇》會行返傳統模式,先上戲院,首映45日後至輪到Disney+,主力靠戲院谷票房!

Disney+開香港站對Marvel迷絕對係喜訊,平台已推出劇集Loki、《汪達與幻視》、《獵鷹與酷寒戰士》等,11月將會推出《鷹眼》,未來仲會有Loki 2及新版《寶貝智多星》等,美國同步,最正係有繁體中文字幕!至於幾錢月費就要等下一輪公佈!

更多電影文章

【電影LOL】今期睇咩戲 媽媽的神奇小子/爆機自由仁/反轉方舟動物園/森林守護隊

【電影LOL】《星球大戰》金像導演J.J Abrams新作 竟然係UFO紀錄片 仲要Youtube有得睇!

【電影LOL】被睇死後立誓 拍戲發達唔益阿媽 名導塔倫天奴堅找數唔俾錢屋企

【電影LOL】奧運過後繼續撐運動員 《媽媽的神奇小子》展現蘇樺偉跑步人生

【電影LOL】冇題材手遊都殺!Netflix將「食雞game」PUBG拍成動畫

【電影LOL】主角位位演得唱得 新版《灰姑娘》玩轉舊橋 搵黑人男星演仙女教母!

電影LOL】動物們連環不幸事件?Edan呂爵安首度配音《反轉方舟動物團》

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能