【電影LOL】《星球大戰》金像導演J.J Abrams新作 竟然係UFO紀錄片 仲要Youtube有得睇!

·2 分鐘文章

《星空奇偶記》、《星球大戰》金像導演J.J Abrams同華納HBOMax合作,當大家期待兩家聯手推出科幻鉅片,最新搞作竟然係紀錄片,仲要免費youtube有得睇!

J.J. Abrams同Showtime即將推出4集紀錄片UFO,主力發掘幾十年來同不明飛行物體有關嘅秘聞及相關現象,企圖解開美國政府手持同UFO有關機密。雖然紀錄片唔係《星》字系列大片,不過全世界有咁多UFO迷,加上普通地球人都鍾意八卦(你睇當年幾多人追睇「解剖外星人」!),好奇會踢爆咩高度機密,紀錄片UFO一樣話題十足!

講開UFO,最有名一定要數上世紀40年代「羅茲威爾事件」,當年有農場主人聽到爆炸巨響,其後於農場四周發現大量金屬碎片,軍方仲出新聞稿報稱發現不明飛行物,消息一出引起轟動,不過唔夠6小時,軍方轉軑話搞錯無飛碟而係雷達!口風突變反而令UFO一說更似層層。

隨住美國國防部發表有關UFO解密報告,過往UFO目擊案似乎值得再受審視,負責執導紀錄片UFO嘅Paul Crowder及Mark Monroe決定走訪曾經有「第三類接觸」嘅民眾,例如1997年亞利桑那州幾千人發現夜空有排列成V型飛行光點嘅Phoenix Light。據目撃者形容飛行物體體積龐大,機場控制塔職員見到個V型喺空中移動,不過奇在航道探測儀完全探測唔到件飛行物!

其後美軍表示「V型光點」實為佢哋訓練用嘅照明彈唔係UFO,目撃者之一兼州長Simington講明唔信,接受CNN訪問時更表示,作為機師及前空軍,佢好肯定「V型」唔係人類發明,仲話照明彈無可能可以排到個V型出嚟!不過政府唔理咁多人睇到嘅奇怪現象,堅持唔會展開調查。

J.J. Abrams監制嘅UFO片集將會訪問UFO目撃者、軍方要員,結合政府發放有關UFO嘅報告,明指美國政府冷待事件係負責任嘅行為!首集紀錄片己經於SHOWTIME youtube頻道免費任睇,逢星期日更新,暫時只限美國地區播放,香港觀眾想睇可能要自行諗諗計!

更多電影文章

【電影LOL】今期睇咩戲 自殺特攻/鬼同你住/女人街,再見了/中國醫生/BLACKPINK THE MOVIE

【電影LOL】被睇死後立誓 拍戲發達唔益阿媽 名導塔倫天奴堅找數唔俾錢屋企

【電影LOL】奧運過後繼續撐運動員 《媽媽的神奇小子》展現蘇樺偉跑步人生

【電影LOL】冇題材手遊都殺!Netflix將「食雞game」PUBG拍成動畫

【電影LOL】主角位位演得唱得 新版《灰姑娘》玩轉舊橋 搵黑人男星演仙女教母!

電影LOL】動物們連環不幸事件?Edan呂爵安首度配音《反轉方舟動物團》

【電影LOL】《鬼同你住》-鬼恐佈啲,定係喺香港生活恐佈啲?

【電影LOL】《黑寡婦》串流戲院同時上架影響收入 Scarlett Johansson 告迪士尼

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能