【電影LOL】冇題材手遊都殺!Netflix將「食雞game」PUBG拍成動畫

·2 分鐘文章

串流平台大哥Netflix要留住訂戶絞盡腦汁,平台內容雖然多,偶有佳作同時爛片爛劇都唔少。不過據聞Netflix睇首周view數而決定續唔續下一季,所以最緊要有gimmick,爆到view數!

Netflix之前改編電玩《獵魔士》做劇集,出街後有話題view數又夠,連帶個game更多咗人玩!有見game改編成影視內容好反應,Netflix決定全力開拓動玩系列,搵嚟《惡魔城》執行製作人Adi Shankar合作,將韓國KRAFTON知名遊戲《絕地求生(PUBG、Playerunknown’s Battergrounds》拍成動畫!

《絕地求生》呢個game超受歡迎,講正式遊戲名可能唔知係咩,不過一講「食雞」,應該唔打機都聽過就知個game有幾hit!

印度仲發生過玩家因為過份沉迷「食雞」出意外,導致身亡,最後當地警方以《絕地求生》太暴力為由,引用印度刑法典188條,拉咗10個「食雞」玩家!

遊戲就夠哂出名,負責動畫版嘅創作大腦Adi Shankar亦大有來頭,除咗「食雞」之外,佢手上仲有《刺客教條》、《極地戰嚎3:血龍》、及《惡魔獵人》等多套動畫,擅長處理動作刺激片種,由佢負責將「食雞」變成動畫,應該幾有睇頭!

雖然《絕》game迷遍佈全球,不過對於遊戲改成動畫,連班fans都R哂頭,因為《絕》本身無劇情,一嚟就打打殺殺爆哂頭,單係個名同幾個畫面就足以發展出一套有劇情嘅嘅動畫?暫時官方就未公佈詳情,肯定要填白嘅地方有好多,導演Adi記招時興奮表示急不及待俾觀眾睇「食雞」勝利畫面!

更多電影文章

【電影LOL】今期睇咩戲 自殺特攻/鬼同你住/女人街,再見了/中國醫生/BLACKPINK THE MOVIE

【電影LOL】主角位位演得唱得 新版《灰姑娘》玩轉舊橋 搵黑人男星演仙女教母!

電影LOL】動物們連環不幸事件?Edan呂爵安首度配音《反轉方舟動物團》

【電影LOL】《鬼同你住》-鬼恐佈啲,定係喺香港生活恐佈啲?

【電影LOL】《黑寡婦》串流戲院同時上架影響收入 Scarlett Johansson 告迪士尼

【電影LOL】真正「大叔的愛」 BL劇《昨日的美食》11月上畫 睇戲學煮餸冧仔!

【電影LOL】ERROR為催淚日本動畫《鱷魚君最後的100天》配音 入場笑定喊好?

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能