【電影LOL】ERROR為催淚日本動畫《鱷魚君最後的100天》配音 入場笑定喊好?

·3 分鐘文章

香港有Mirror或者Error出現嘅地方必定人山人海,靚仔之餘仲年輕有活力,形象正面兼對答得體,真係好得人鍾意!2個團16位成員無論歌影視定廣告代言都獲得鏡粉及404大大力支持,即係有吸金保證啦,於是鏡仔們開始陸續進軍大銀幕。「宇宙天團」Error仲快手,全團4個齊齊為日本動畫《鱷魚君最後的100天》 配音,下個月就有得睇!

《鱷魚君最後的100天》來頭都好猛,由菊池祐紀創作嘅4格漫畫最初喺Twitter登場,日日更新倒數鱷魚生命最後100天嘅平凡生活,好似同朋友飯聚、睇戲覺得好感動、食好西、買到喜愛嘅動漫周邊等等。《鱷》連載後極速爆紅,見住佢「離死還有○日」,再平凡生活都睇到眼濕濕,最終話更登上Twitter流行趨勢世界首位!

電影版由《屍殺片場》導演夫妻檔上田慎一郎及福田美由紀執導,龜田誠治及生物股長擔任音樂創作。電影版會加入新角色「青蛙」,故事講述在櫻花盛開的3月,大家約好要去賞花,但鱷魚君卻沒有出現。鱷魚君的好朋友灰鼠非常擔心,決定騎電單車去接他。他在途中把盛放的櫻花拍下來,並把照片傳給了所有朋友。然而,他卻不知道鱷魚君的手機掉在路邊,螢幕甚至已經碎掉‥‥‥

100天前,鱷魚君才剛探望過入院的灰鼠,並用他最擅長的即興笑話來逗他笑。鱷魚君的每天都過得很平凡——與每年都會送蜜柑來的母親通電話、跟打工認識的前輩展開一段戀情、與朋友一起吃拉麵、玩喜歡的遊戲、打籃球、看電影……

在賞花的約定過去100天後,櫻花樹長出茂密的綠葉,當時下的櫻花雨也變成普通的雨水。一群朋友無法面對與鱷魚君相處的回憶,逐漸減少與大家聯絡。在這時候,在大家生活的城市中有了一次新的邂逅。對於剛搬來,性格積極開朗的青蛙,灰鼠他們都感到非常迷惘……已經改變的日常與一成不變的每天。這是一個所有人都有可能遇到的故事。

導演訪問時提及因為新冠疫情進一步反思何謂生活,決定於電影版中深化漫畫「活在當下」、「珍惜所有」嘅訊息,今次搵嚟天團Error處男配音,隊長肥仔梁業聲演主角鱷魚君、一哥何啟華阿Dee 聲演鱷魚君好友灰鼠、大佬保錡則聲演另一個好朋友阿鼴,而193三爺郭嘉駿就會 聲演全新角色青蛙!

想知佢咃點樣用「Error流」為感人至深《鱷魚君最後的100天》配音,下個月記得入場欣賞啦!

更多電影文章

【電影LOL.今期睇咩戲】波士BB 2細祖/義勇群英:蛇眼復仇戰 / 當男人戀愛時 / 解碼追兇

【電影LOL】年度大片《沙丘瀚戰》預告片曝光 夠高質唔似商業爆谷片

【電影LOL】奧斯卡得獎動畫短片《包》華裔女導演新作《熊抱青春記》青春期少女「見紅」煩惱

【電影LOL】導演會頒獎禮 《奪冠》掃4大獎 周國賢首度稱帝

【電影LOL】《當男人戀愛時》好耐冇去台灣 定係催淚故事令你想喊?

【電影LOL】康城影展突然放映香港反修例紀錄片《時代革命》

【電影LOL】Margot Robbie拍Barbie真人版電影 故事竟然係唔夠靚被踢出Barbieland!

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能