雅虎香港新聞 【電影LOL】《當男人戀愛時》好耐冇去台灣 定係催淚故事令你想喊？
台灣係唔少香港人放假必到之到，對台北尤其暸如指掌，熟路到似返屋企！過去一年多因為疫情關係未能出發外地，相信唔少朋友好思鄉，係未去到台灣嘅期間，不如睇住台片止一止癮！
今個星期四上映嘅《當男人戀愛時》喺台灣錄得破紀錄票房，已經大收4億台幣，比《比悲傷更悲傷的故事》更勁，成為台灣史上10大賣座愛情電影！票房開紅盤外，仲掃咗7個台北電影獎包括最佳劇情長片、導演、男主角及女主角等提名，認真威水！
《當》講述討債維生的流氓阿成（邱澤 飾）外表凶神惡煞，內裡卻是個暖心大男孩。他在一次討債時對債主女兒浩婷（許瑋甯 飾）一見鍾情，於是笨拙地畫了一份「塗鴉合約」，向浩婷提出用約會來抵銷債務。多次約會後，表面高傲的浩婷終被阿成的暖心而軟化，戀情漸漸步入美好光景。為了他們的未來阿成準備離開黑道，上天卻要迫使他們分開。只想給浩婷幸福的阿成這時才發現，原來當男人戀愛時，是可以為那個她赴湯蹈火。
《當男人戀愛時》改編自由青龍影帝黃晸玟2014年主演嘅韓片《不標準情人》，故事大橋相同，簡單講就係「小姐與流氓」嘅故事，不過台版嘅流氓（邱澤）點扮台客（即係我地嘅MK）都係靚仔一個，前半部追女仔騎呢奇招盡出，好笑得嚟又好sweet！
後半部故事有別於韓版跳躍時序，以平鋪直敘嘅方式呈現，睇住佢咃相愛卻不能永久己經好sad，仲要加插阿成做嘅窩心小事，簡直㩒著淚掣，喊到收唔到聲！
其實年年都有純愛催淚愛情片，南韓早年直頭係呢類片種嘅霸主，《當》可以成功攻陷台灣觀眾條淚腺，除咗台味濃非常親切外，仲因為《當》係少數以男人角度出發嘅愛情片，阿成嘅簡單直接冧到女士們，連男士都好受落有共嗚，難怪票房大賣！
電影多個場景更成為熱門打卡地，例如西門町金獅大酒樓、三重先嗇宮或士林夜市內嘅發亭冰店等，香港觀眾睇《當》虐心愛情外，仲可以數下自己去過幾多個電影場景！
更多電影文章
【電影LOL】今期睇咩戲 殺出個黃昏／電影屁屁偵探／密室逃殺: 倖存者遊戲／太空也入樽：改朝換代
【電影LOL】Margot Robbie拍Barbie真人版電影 故事竟然係唔夠靚被踢出Barbieland!
【電影LOL】棟篤笑女星遇上大話賤男 被昆經歷寫成劇本片廠爭住要
【電影LOL】《殺出個黃昏》林家棟蝕錢都要撐老戲骨 謝賢馮寶寶林雪火花四濺
【電影LOL】敲定名模王丹妮演《梅艷芳》 造型曝光似唔似梅姐？
【電影LOL】《赤BIG靈靈狗》10呎咁高卡通紅狗狗拍電影版 又因咩事有負評？
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
