雅虎香港新聞 【電影LOL】《赤BIG靈靈狗》10呎咁高卡通紅狗狗拍電影版 又因咩事有負評？
1963年出版嘅兒童繪本Clifford The Big Red Dog，係歷史悠久嘅兒童繪本，去到2000年於播放《芝麻街》嘅美國公共廣播頻道PBS推出電視版卡通，喺北美大受小朋友歡迎，到今年終於推出真人版電影《赤BIG靈靈狗》！
故事圍繞一隻身型變得龐大嘅紅色拉布拉多犬Clifford以及佢嘅小主人艾蜜莉所發生嘅事，平凡的中學生艾蜜莉（戴比金普 飾），有日偶遇識得魔法的動物拯救員（尊基利斯 飾），還得到一隻紅色狗仔當作禮物，但艾蜜莉發夢都冇諗到，這隻狗仔居然會一夜之間變成10呎巨犬，差點迫爆屋企！趁住她媽媽（絲安娜佳萊莉 飾）出外工幹，艾蜜莉聯同搞笑又衝動的舅父（積維賀 飾），展開一連串驚險緊張的大冒險，實行玩轉全城！
有《超音鼠大電影》造型受fans劣評而要重新製作嘅教訓，電影公司再推出真人版變得非常謹慎，一早放定條20秒預告片試水溫，當時片段無引起咩負評，普遍覺得狗狗點拍都得意，點知到正式預告片出街先出事！
真狗版Clifford似拉布拉多、金毛尋回犬品種，仲要係bb狗，無辜天真嘅眼神真係得意到暈，飾演女主角艾蜜莉嘅小妹妹亦相當清純可愛，小朋友加狗仔呢種冧死人嘅組合何解出事？咪就係太過忠於原著唔識變通囉！
故事有得你叫，Clifford係隻紅色(Red)嘅狗，原作者Norman Bridwell有解釋過因為佢當時得返紅色顏料可以用，而且覺得紅色同藍色天空綠草地好夾，於是就將狗狗畫成紅色。繪本嘅Clifford紅得嚟帶啡色，去到真人版想跟但跟唔到十足，而家搞到Clifford好似被人淋完油洗唔甩染色失敗咁！
不過電影版終於解開咗Clifford一夜變巨型嘅謎團，因為Emily好多好多嘅愛，令Clifford變巨大，保護小主人！童話故事隻狗紅少少都可以接受，反而擔心電影版嘅Clifford亂咬嘢、唔覺意生吞八哥，仲喺公園追波搞出大頭佛，似搞亂檔多過保護主人，明明繪本嘅佢好有靈性，超聰明！
《赤BIG靈靈狗》搵咗韓國天團BTS首Dynamite做主題曲，除咗小朋友應該仲會吸引到一堆Army捧場，電影將於香港9月30日上映。
更多電影文章
【電影LOL】《拆彈專家2》《哥斯拉大戰金剛》分佔香港上半年電影票房中西片冠軍
【電影LOL】John Cena就辱華言論道歉幫到手《F9狂野時速》內地收2億美元
【電影LOL】三大導燒2億美金！內地史上最貴電影《長津湖》參加今年康城影展
【電影LOL】白人冇份！迪士尼搵拉丁裔新人Rachel Zegler主演新版《白雪公主》
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
