【電影LOL】敲定名模王丹妮演《梅艷芳》 造型曝光似唔似梅姐?

安樂電影開拍舞台天后梅艷芳嘅傳記電影,一直對女主角人選守口如瓶,近日終於確認由模特兒王丹妮(Louise)扮演,仲一口氣出咗先導預告及電影海報!

拍傳記電影,觀眾最關心都係有幾神似。對於王丹妮嘅造型,網民反應有讚有彈,讚當然覺得王捉到梅姐神韻,彈不外乎話同梅姐本尊唔似,仲有唔少網民覺得cast錯人,認為有其他演員(例如陳煒)外型更適合!

安樂電影老闆兼《梅》投資者及出品人江志強同梅姐有私交,訪問時提及王丹妮個人經歷部份同梅姐相似,被選中相信王丹妮有梅姐影子或者特質。

模特兒出身嘅王丹妮,17歲參加比賽入行,贏過亞太區模特兒大賽冠軍,之後進軍歐美市場行過唔少大牌時裝show,不過並無任何演戲經驗。導演梁樂民表示團隊用咗3年先物色到合適人選,可以喺芸芸眾生中脫穎而出,相信王絕對有其過人之處。

剛剛公開嘅三款電影海報,分別為《胭脂扣》一幕戲及梅姐最後演唱會經典造型,配上其金曲「芳華今猶在 似是故人來」、「那年風的季節 我們與你相遇」、「一闋夕陽之歌 可曾想起我」宣傳文案,即時聯想起梅姐生前精彩嘅舞台風采!

電影籌備7年,就為實現梅姐留下一部傳世電影的遺願,將會把她的傳奇一生,重現歌影迷眼前。四歲在荔園登台的小歌手,唱到成為風靡亞洲的舞台女王,梅姐短短40載人生,當中經歷幾多艱辛,付出多少犧牲? 星光背後,她的感情生活,她對工作的熱愛,對朋友以至對香港的情義,也成就了她那「香港的女兒」無可替代的地位。

《梅艷芳》將於今年底上映。

更多電影文章

【電影LOL】今期睇咩戲 《黑寡婦》上畫新片讓路 得返建黨電影《1921》對撼

【電影LOL】《赤BIG靈靈狗》10呎咁高卡通紅狗狗拍電影版 又因咩事有負評?

【電影LOL】內地重拍《九品芝麻官》焦點居然係豐滿女主角

【電影LOL】《拆彈專家2》《哥斯拉大戰金剛》分佔香港上半年電影票房中西片冠軍

【電影LOL】成棟樓直插地底!李光洙新戲演出港人噩夢

【電影LOL】John Cena就辱華言論道歉幫到手《F9狂野時速》內地收2億美元

【電影LOL】三大導燒2億美金!內地史上最貴電影《長津湖》參加今年康城影展

【電影LOL】白人冇份!迪士尼搵拉丁裔新人Rachel Zegler主演新版《白雪公主》

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!