【電影LOL】Margot Robbie拍Barbie真人版電影 故事竟然係唔夠靚被踢出Barbieland!

·2 分鐘文章

2017年片廠Sony宣布將童年玩伴芭比(Barbie)拍成live action電影,開發過幾個故事大綱,早期屬意由諧星Amy Schumer主演。Barbie雖然世界知名,不過佢超現實嘅身型近年成為抨撃目標,要寫一個政治正確又好睇嘅故事談何容易!

電影經過多次改動後,確定由「小丑女」Margot Robbie監制兼主演,成件事即刻吸引咗!幕前主角吸引,幕後掌舵人一樣重要,2019年有傳片廠誠邀《婚姻故事》情侶檔編劇Noah Baumbach及《小婦人》、《不得鳥小姐》金像提名導演Greta Gerwig出手,為Barbie注入新生命!

傳咗咁耐,終於落實Greta Gerwig自編自導真人電影版!Barbie歷史悠久,官方介紹係「夢想成真」,一直標榜多重角色扮演,公仔標誌性胸大腰幼嘅超現實體態,影響小朋友嘅審美觀。連Margot Robbie都明言Barbie有好多歷史包袱,拍成電影一定會受人指控,如果由關注女性議題嘅Greta Gerwing執導,相信可以平息眾人嘅怒氣喎!

Greta係近年矚目嘅年輕女導演,2部作品《不得鳥小姐》及《小婦人》得到多個奧斯卡金像提名肯定。擅長描寫女性嘅佢,改編文學經典《小婦人》,忠於原著之餘亦拍出女性堅強獨立一面,執導實力驕人!

Barbie電影將講述芭比因為唔夠靚而被趕出Barbieland,佢唯有走進現實世界開啟探索之旅。Margot Robbie配Greta Gerwig,相信Barbie電影一定唔會係同Ken談情說愛咁簡單,好大機會會講及女權、女性形像及成長等議題!

Barbie大電影預計於2023年上映。

更多電影文章

【電影LOL】今期睇咩戲 《黑寡婦》上畫新片讓路 得返建黨電影《1921》對撼

【電影LOL】棟篤笑女星遇上賤男 經歷寫成劇本片廠爭住要

【電影LOL】《殺出個黃昏》林家棟蝕錢都要撐老戲骨 謝賢馮寶寶林雪火花四濺

【電影LOL】敲定名模王丹妮演《梅艷芳》 造型曝光似唔似梅姐?

【電影LOL】《赤BIG靈靈狗》10呎咁高卡通紅狗狗拍電影版 又因咩事有負評?

【電影LOL】內地重拍《九品芝麻官》焦點居然係豐滿女主角

【電影LOL】《拆彈專家2》《哥斯拉大戰金剛》分佔香港上半年電影票房中西片冠軍

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能