【電影LOL】動物們連環不幸事件？Edan呂爵安首度配音《反轉方舟動物團》

今年暑假出奇地無咩動畫鉅片!雖然香港小朋友放暑假都好忙，被安排上興趣班、補習，務求位位小人兒多才多藝，不過相信佢哋放假會恨睇卡通片，下個星期有套《反轉方舟動物團》啱哂各個年齡層觀看！

《反》係2015年動畫《Ooops!Noah îs Gone》嘅續集，出自愛爾蘭嘅Ooops憑住可愛畫風及純真人物於世界各地大獲好評，錄得佳績，今次原班人馬再次合作，推出《反轉方舟動物團》。故事講述兩個死黨菲尼和莉亞，在挪亞方舟跟其他動物一起漂流多時，仍不見陸地蹤影，船上的糧食吃得七七八八，鬧糧荒嘅情況下，肉食和草食動物之間的和平，隨時結束。 在連串不幸兼「甩轆」事件後，兩個小朋友連同僅餘的食物都跌埋落海！

莉亞和新相識、跟他們一樣漂流大海的啫喱，被困於荒島。菲尼一覺醒來，發現身處一個奇異得來又熟口熟面的動物群落，而呢個安樂窩正受活火山威脅！ 菲尼需與時間和隨時爆發嘅火山競賽，拯救佢啲朋友，同幫群落裏所有動物逃出生天。

《反》故事簡單，劇情非常適合小朋友觀看，加上片商搵嚟人氣爆棚Mirror成員「兒登」呂爵安聲演10歲的貪玩長鼻獸菲尼及《我的印度男友》陳欣妍(Shirley)聲演黑面狐莉亞，成件事即刻唔止小朋友啱睇，相信一眾「爵屎」都會入場支持Edan首部配音動畫！

Edan喜感一流又零偶包，綜藝表現出色，其強勁懶音亦係個人標誌之一，不過講起有機會幫動畫配音，連佢自己都覺得奇怪，以為經理人花姐整蠱佢！一向勇於嘗試嘅佢將今次嘅配音工作當成挑戰，結果好順利2日就錄好。聲演佢好朋友嘅Shirely就大讚Edan係開心果，帶俾大家好多正能量，講起自己配音，要維持同一聱線難度頗高，仲話錄到忘我時手腳失控！

《反轉方舟動物團》將於8月12日上映，緊接暑假尾聲又有Error全團聲演嘅《鱷魚君最後的100天》，夏天日日見住Mirror、Error寧舍有活力！

更多電影文章

【電影LOL】今期睇咩戲 幻險森林奇航／詭老／採魂邨／聽見歌 再唱／長相屍手

【電影LOL】動物們連環不幸事件？Edan呂爵安首度配音《反轉方舟動物團》

【電影LOL】《鬼同你住》－鬼恐佈啲，定係喺香港生活恐佈啲？

【電影LOL】《黑寡婦》串流戲院同時上架影響收入 Scarlett Johansson 告迪士尼

【電影LOL】真正「大叔的愛」 BL劇《昨日的美食》11月上畫 睇戲學煮餸冧仔！

【電影LOL】ERROR為催淚日本動畫《鱷魚君最後的100天》配音 入場笑定喊好？

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！