【電影LOL】《黑寡婦》串流戲院同時上架影響收入 Scarlett Johansson 告迪士尼

·2 分鐘文章
【電影LOL】《黑寡婦》串流戲院同時上架影響收入 Scarlett Johansson 告迪士尼
【電影LOL】《黑寡婦》串流戲院同時上架影響收入 Scarlett Johansson 告迪士尼

根據外媒報導,今個暑假上映嘅Marvel電影《黑寡婦》主角 Scarlett Johansson 入稟美國加州洛杉磯法院,控告出品《黑寡婦》嘅迪士尼違反片約協議,喺電影上映期間,放喺旗下串流平台Disney+上架。而Scarlett 一方聲稱,協議提到電影只會喺戲院上映﹐而佢拍呢套戲嘅收入,大部份係按票房收入拆賬分紅。

Scarlett 嘅代表律師就話,迪士尼以新冠疫情影響做藉口而將電影放喺Disney+上架,目的係吸納訂戶谷起股價,不過咁做係短視兼違反合約,仲話唔會係唯一一單同類案件。至於迪士尼就回應話呢單官司對雙方都冇好處,強調有履行合約,而且以Disney+特級用戶收看數字計算, Scarlett Johansson 會賺多2千萬!

【電影LOL】《黑寡婦》串流戲院同時上架影響收入 Scarlett Johansson 告迪士尼
【電影LOL】《黑寡婦》串流戲院同時上架影響收入 Scarlett Johansson 告迪士尼

荷里活唔少明星嘅片酬,都會同票房收入掛鈎,如果套戲因為疫情而要喺戲院同網上同步上映,影響戲院票房收入,班明星隨時賺少好多。同類糾紛之前都有發生,片商華納因為安排《神奇女俠1984》戲院同網上同步上映,據報要向主演嘅Gal Gadot 同 Patty Jenkins各俾1千萬美元。而為動畫《魔髮精靈:唱遊大世界》(Trolls World Tour)配音嘅Anna Kendrick 及 Justin Timberlake亦有傳爭取類似嘅分紅。

【電影LOL】《黑寡婦》串流戲院同時上架影響收入 Scarlett Johansson 告迪士尼
【電影LOL】《黑寡婦》串流戲院同時上架影響收入 Scarlett Johansson 告迪士尼

以往Marvel作品閒閒地美國本土開畫都收一億美元,埋單就近10億,雖則全球疫情有所減退,但係美國7月出現個案反彈影響重啟經濟進度,《黑寡婦》開畫收8千萬美元雖然已經係舊年3月以來北美最高開畫電影,但係以頭3周合計收1億5千萬嚟睇,估計好有可能達唔到以往票房水平,作為Marvel 新一章故事嘅首套電影確係失禮。Scarlett Johansson 簽約嘅時候點都冇諗過會有疫症爆發影響票房,仲要係俾迪士尼諗到用串流幫補收入呢個玩法,難怪要對簿公堂,鬼咩!「迪記」自爆套戲開畫首周喺Disney+賺到6千萬,俾我係Scarlett Johansson 都會開聲要分返份啦!

更多電影文章

【電影LOL】今期睇咩戲 幻險森林奇航/詭老/採魂邨/聽見歌 再唱/長相屍手

【電影LOL】真正「大叔的愛」 BL劇《昨日的美食》11月上畫 睇戲學煮餸冧仔!

【電影LOL】ERROR為催淚日本動畫《鱷魚君最後的100天》配音 入場笑定喊好?

【電影LOL】以火聞名以火作結 陳木勝遺作《怒火》 謝霆鋒甄子丹炸爆街頭

【電影LOL】年度大片《沙丘瀚戰》預告片曝光 夠高質唔似商業爆谷片

【電影LOL】奧斯卡得獎動畫短片《包》華裔女導演新作《熊抱青春記》青春期少女「見紅」煩惱

【電影LOL】導演會頒獎禮 《奪冠》掃4大獎 周國賢首度稱帝

【電影LOL】《當男人戀愛時》好耐冇去台灣 定係催淚故事令你想喊?

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能