【電影LOL】《鬼同你住》－鬼恐佈啲，定係喺香港生活恐佈啲？

香港買樓上車難。有得㨂，你會明知係兇宅但照上車，定寧願做無殼蝸牛？導演陳果最新作品《鬼同你住》以恐怖鬼片道出香港樓市貴到離地嘅光怪陸離現象。

電影講述地產經紀阿源（黃又南 飾）為了豐厚佣金，明知樓盤是凶宅卻仍落力游說睇樓客上車, 怎料反被高佬鬼（車保羅 飾）纏上；4姊妹（魏秋樺、文雪兒、麥家琪、李麗珍 飾）為了阿媽（邵音音 飾）棟別墅，日日圍著病床前期盼她早日歸西，面對這班「孝女」，好難死得瞑目。阿祥（太保 飾）扭盡六壬，千方百計將自己層唐樓改裝成10多間劏房出租謀利, 但小鬼強仔老是常出現大搞破壞…

戲內出現太量血腥場面，預告片仲一度因為過份血腥而出唔到街，不過怕血怕暴力嘅朋友唔駛驚，血花四濺都有好多種，《鬼》入面嘅血腥暴力場面只在表達人／鬼為咗層樓有幾瘋狂，唔會睇到你周身抽住痛。

《鬼》預告片一出已經引起廣泛迥響，當中有無數金句講中香港樓奴現況，好似由龍天生飾演嘅炒家袁生「你死，香港地產都未死」，又或者又南飾演地產經紀「無錯，香港點會冧？」聽落好唏噓，因為香港樓市無論世界有事無事都只升無跌，等跌市入場等極都等唔到！

當然仲有好多網民好like戲中閻羅王擅自改咗999年土地擁有權，仲話「香港法律最偉大嘅地方，就係可以改來改去！」，土地權問題中哂一班上車市民嘅憂慮！加上電影審查日益嚴謹，如果《鬼同你住》遲啲先上映，呢句對白都唔知仲過唔過到電檢！

《鬼同你住》最猛3隻鬼分別由車保羅、邵音音及童星李鎧霖飾演，其中車保羅個look最入型入格、一見難忘！電影仲有魏秋樺、文雪兒、麥家琪、李麗珍、太保、張達明、陳湛文及《大叔的愛》好搶鏡嘅「平哥」楊偉倫等主演，陣容吸引！

香港升斗市民買到樓變樓奴，買唔起樓嘅又可能要住劏房，住邊都係棺材房咁嘅size，喺香港想搵個地方安居樂業甚艱難！鬼恐佈啲，定係喺香港生活恐佈啲？

更多電影文章

【電影LOL】今期睇咩戲 幻險森林奇航／詭老／採魂邨／聽見歌 再唱／長相屍手

【電影LOL】《黑寡婦》串流戲院同時上架影響收入 Scarlett Johansson 告迪士尼

【電影LOL】真正「大叔的愛」 BL劇《昨日的美食》11月上畫 睇戲學煮餸冧仔！

【電影LOL】ERROR為催淚日本動畫《鱷魚君最後的100天》配音 入場笑定喊好？

【電影LOL】以火聞名以火作結 陳木勝遺作《怒火》 謝霆鋒甄子丹炸爆街頭

【電影LOL】年度大片《沙丘瀚戰》預告片曝光 夠高質唔似商業爆谷片

【電影LOL】奧斯卡得獎動畫短片《包》華裔女導演新作《熊抱青春記》青春期少女「見紅」煩惱

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！