雅虎香港新聞 【電影LOL】迪士尼改發行模式 當《尚氣》白老鼠？男主角劉思慕公然爆粗頂撞老細 或另有原因
隨住串流平台Disney+開展亞洲市場，業界好奇迪士尼旗下片單未來發行策略，公司CEO Bob Chapek日前訪問時提到即將於9月上映、由梁朝偉、楊紫瓊、劉思慕、Awkwafina及陳法拉主演嘅《尚氣與十環幫傳奇》嘅Marvel新片將會先上戲院，首映45日後再上Disney+，主力靠戲院谷票房。
《尚》有別於而《黑寡婦》戲院Primere Access同步上映模式，Bob仲指《尚》係個有趣實驗，所得數據有利於日後製定上映策略。將電影量化成財務報表，作為集團CEO在商言商覺得理所當然，不過似乎稍欠公關手腕，言論一出令《尚》男主角劉思慕不滿，嬲到戲未上畫就公然頂撞老細！
一向敢言嘅劉思慕喺佢自已嘅社交平台出post回應Bob Chapek「實驗」一說「我哋唔係有趣實驗。我哋係被低估嘅一群。我咃會打破限制。經過艱辛嘅一年，文化及歡樂嘅慶典。我咃係驚喜。我將會為9月3日締造歷史一刻盡力。」(We are not an experiment. We are the underdog; the underestimated. We are the ceiling-breakers. We are the celebration of culture and joy that will persevere after an embattled year. We are the surprise. I’m fired the f**k up to make history on September 3rd.)
迪士尼《黑白魔后》、《幻險森林奇航》及《黑寡婦》皆以戲院及Disney + Premiere Access同步上映模式發行，不過此舉引嚟戲院界不滿，演員仲分少好多片酬。據聞《黑白魔后》女主角Emma Stone原本同Scarlett Johansson一樣告迪士尼毀約，最後傾掂數拍《黑白魔后2》先唔告，但官司絕對影響迪士尼發行計劃。
其實個「實驗」一早開始咗，《爆機自由仁》先係首部疫情下先上戲院、開畫45日後再上串流嘅電影，《尚氣》係第2部，Marvel下一套更大cast嘅《永恆族》都會以一樣模式發行，發行策略唔係《尚》獨有。令到劉思慕及一眾美國網友咁嬲嬲豬，應該係迪士尼宣傳攻勢明顯比其他Marvel片弱，難得有首位亞裔超級英雄誕生，不過不被重視，難怪大家不滿。
香港對於「Marvel首位華人超級英雄」未必買帳，因為劉思慕有body不過唔算靚仔，當初預告片一出反響一般，梁朝偉仲似主角！就算唔睇劉思慕，Marvel大片有港產影帝梁朝偉、楊紫瓊以及離開大台幾年就躍升為荷里活影星嘅陳法拉，都好值得支持！
更多電影文章
【電影LOL】今期睇咩戲 媽媽的神奇小子／爆機自由仁／反轉方舟動物園／森林守護隊
【電影LOL】《星球大戰》金像導演J.J Abrams新作 竟然係UFO紀錄片 仲要Youtube有得睇！
【電影LOL】被睇死後立誓 拍戲發達唔益阿媽 名導塔倫天奴堅找數唔俾錢屋企
【電影LOL】奧運過後繼續撐運動員 《媽媽的神奇小子》展現蘇樺偉跑步人生
【電影LOL】冇題材手遊都殺！Netflix將「食雞game」PUBG拍成動畫
【電影LOL】主角位位演得唱得 新版《灰姑娘》玩轉舊橋 搵黑人男星演仙女教母！
【電影LOL】動物們連環不幸事件？Edan呂爵安首度配音《反轉方舟動物團》
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
