【電影LOL】Netflix9月搞節目巡禮Tudum 3個鐘頭巨星放題新劇片段任睇

·2 分鐘文章

次次開apps都必會聽到「Tu Dum」鼓聲,一聽即刻聯想起Netflix。有見聲效咁入腦,呢個串流平台索性將宣傳活動命名為「Tudum」!

Netflix將於香港時間9月26日凌晨12點喺自家Youtube頻道舉辦長達3小時嘅「Tudum:全球影迷盛會」,近日仲出埋宣傳片大曬冷,片段見到The Rock、查理絲花朗、「雷神」基斯咸士乎夫、亨利卡維、阿當·桑迪拿、Millie Bobby Brown及韓星宋江等,多到數唔哂!

近年串流平台大混戰,為咗keep全推出大量作品留住訂戶,各個平台搶演員搶劇本搶幕後crew,兼鬥天價製作費。Netflix為保龍頭地位駛錢毫不手軟,製作費鬆手當然宣傳費都唔慳,今次「Tudum」網上活動集節目巡禮、記者招待會及粉絲見面會於一身,3個鐘頭活動將會公佈未來節目大計,仲會披露Netflix原創劇集及電影片段,保證獨家!

「Tudam:全球影迷盛會」涵蓋 70 部以上的電影和影集,包括推出全新季的人氣影集《怪奇物語》、《柏捷頓家族:名門韻事》、《獵魔士》、《紙房子》和《眼鏡蛇道館》、《艾蜜莉在巴黎》、《王冠》、《獵魔士》、《性愛自修室》、《雨傘學院》,以及熱門電影《紅色通緝令》、《千萬別抬頭》、《驚天營救》、《復仇之淵》、《不死軍團》等。

今次線上活動亦會同觀眾Q&A互動,由一眾演員或創作主腦們即時解答觀眾疑問,你仲可以上「Tudum」官網登記用自己社交媒體account同步直播!3個鐘頭出哂咁多內容應該幾趕下,影迷們如果想同劇組互動,建議做定功課諗好問題,適當時間留言發問,話唔定會抽中你!

相信觀眾最期待Netflix會喺活動宣佈啲劇幾時出續集同幾時有得睇,好似《怪奇物語》班主角由小朋友變哂做青少年,有幾個直頭野蠻式長高,再唔出第4集驚認唔到返班主角呀!

更多電影文章

【電影LOL】今期睇咩戲 鱷魚君最後的100天/糖魔怪客/復仇殺姬/熱唱吧/叱吒風雲/爸爸,對不起

【電影LOL】戴妃電影Spencer預告曝光 幾個鏡頭交待皇室華麗背後實況?

【電影LOL】高先嘉禾經典電影重溫活動 睇奇洛李維斯張孝全青澀舊片

【電影LOL】《蜘蛛俠:不戰無歸》預告片流出 電影公司補鑊推官方版出場 亮點有呢幾個!

【電影LOL】Netflix邀曾國祥執導 《三體》有幾難拍?睇呢三點

【電影LOL】《梅艷芳》預告片演員陣容曝光 未見曾志偉吳若希出場

【電影LOL】Wes Anderson新片Scarlett Johansson四星列陣 點解考起迪士尼?

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能