【電影LOL】戴妃電影Spencer預告曝光 幾個鏡頭交待皇室華麗背後實況?

·2 分鐘文章

講述英國戴安娜王妃事績嘅電影Spencer,由籌備到開拍一直備受注目,最多人討論一定係女主角人選。當初宣佈由憑《吸血新世紀》走紅全球嘅Kristen Stewart飾演戴安娜一角後,爭議聲不斷兼反應兩極。評論不外乎認為Kristen Stewart演技不足以撐起戴妃一角,另一邊就大讚Kristen氣質獨特切合角色!

隨住Spencer劇照及最新預告片登場,Kristen Stewart主演嘅Spencer越嚟越有睇頭!電影剛剛推出1分鐘前導預告,聚焦戴安娜與皇室成員共渡聖誕節,短短幾個鏡頭交代咗皇室晚宴、齊齊去教堂彌撤嘅傳統,仲有重現戴妃與威廉王子、哈里王子與英女皇在內嘅皇室成員於聖誕樹前影全家福。

電影講述1990年代初一個長週末,戴妃決定同查理斯王子離婚後嘅心路歷程。片段剪輯中可見Kristen Stewart飾演嘅戴妃逃避查里斯王子嘅目光;另一場佢身穿晚禮服出席晚宴但步履搖晃透唔過氣,仲有一場佢因受壓力及情緒困擾要匿入房透透氣,不過隨即有隨從敲門並且話「佢哋等緊你」(Ma’ma, they are waiting for you),暗示戴妃身處嘅環境不足為外人道。

Kristen訪問時提及Spencer戲內深入探討戴安娜放低皇室身份做返自己,佢本人亦努力還原戴安娜當時嘅肢體語言,表現出戴妃當年面對重大人生轉折時刻嘅情緒及心理變化。至於大家好關心嘅口音問題,預告片繼續吊大家胃口,因為1分鐘片段只係聽到Kristen講1句2個字對白「They don’t」就無啦!

暫時Kristen做成點言之尚早,不過可以肯定套戲嘅美術、戲服都非常靚,加埋有好戲之人《忘形水》Sally Hawkins飾演戴妃閏蜜,以及由《第一夫人:積琪蓮甘迺迪》智利導演Pablo Larrain執導,組合吸引!

Spencer將於11月5日於威尼斯國際電影展做世界首映,到時就會知Kristen Stewart能否憑戲一洗「吸血女」印象成為演技女星。如果效果超出預期,分分鐘有望問鼎影后殊榮!

更多電影文章

【電影LOL】今期睇咩戲 鱷魚君最後的100天/糖魔怪客/復仇殺姬/熱唱吧/叱吒風雲/爸爸,對不起

【電影LOL】高先嘉禾經典電影重溫活動 睇奇洛李維斯張孝全青澀舊片

【電影LOL】《蜘蛛俠:不戰無歸》預告片流出 電影公司補鑊推官方版出場 亮點有呢幾個!

【電影LOL】Netflix邀曾國祥執導 《三體》有幾難拍?睇呢三點

【電影LOL】《梅艷芳》預告片演員陣容曝光 未見曾志偉吳若希出場

【電影LOL】Wes Anderson新片Scarlett Johansson四星列陣 點解考起迪士尼?

【電影LOL】《男兒當入樽》電影版再有消息 下年秋季日本上映

【電影LOL】迪士尼改發行模式 當《尚氣》白老鼠?男主角劉思慕公然爆粗頂撞老細 或另有原因

【電影LOL】Disney+ 正式登陸香港 11月有得睇

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能