【電影LOL】《末日先鋒:戰甲飛車》戰車拍賣 $1起標價高未必得

·2 分鐘文章

2015年由George Mille執導嘅《末日先鋒:戰甲飛車》好評如潮,贏咗6個奧斯卡大獎。電影設定於荒蕪的世界裡,水和能源資源都消耗殆盡,為了求生必須不擇手段。由Immortal Joe控制嘅世界甚為瘋狂,有一班視死如歸異常亢奮嘅白面戰男,又有死都要彈結他嘅紅衣男,再加一大斑奇型怪狀嘅男歹角,女人則被當成乳牛同生仔工具!

電影叫好可惜唔算叫座,還好電影公司無因為蝕錢叫停系列,早前確定開拍以查理絲花朗飾演芙莉歐莎(Furiosa)為主角嘅前傳電影,由大熱劇集《后翼棄兵》女主角Anya Taylor-Joy飾演年青版Furiosa。

Anya年紀輕輕不過戲路甚廣,不過接演後生版Furiosa難度幾高,因為查理絲花朗喺《末》簡直係焦點所在,塑造出嚟獨臂Furiosa硬朗、有型又勇武同時不失女性溫柔,連硬漢Tom Hardy都變成陪襯。珠玉在前,好難唔將兩者比較!想知Anya點演譯Furiosa要等到2024年5月先有得睇!

《末日先鋒:戰甲飛車》除咗女主角好搶戲外,另一個主角「戰甲」們一樣咁搶戲。片中多場飛車場面顛喪又震憾,每架車都係為角色量身訂造,好似Furiosa本身負責運送物資,所以其座駕The War Rig結合咗大油缸配以18個車轆,戰鬥力十足之餘仲方便匿藏被逼做Immortal Joe妻子嘅女人們。

另一架The Doof Wagon出場時亦相當震撼,成架車改裝成活動舞台,車頭有幅喇叭牆仲要吊住個結他手,一路飛車一路彈電結他振奮士氣,型得嚟又好癲!戲中道具車架架都有個性,依家你有機會擁有佢咃啦!

澳洲Lloyds Actioneers將於當地時間9月25至26日舉行拍賣會,當中包括The War Rig、Doof Wagon及Nux Car(Nicholas Holt飾演Nux嘅戰車)等在內13架道具車,大會講明1蚊美金底價兼會以暗盤形式進行,亦都無講明一定價高者得,全球送貨仲咩貨幣都收,不過大會講到明謝絕運桔!

呢批道具車珍藏價值甚高,不過諗起Doof Wagon成層樓咁高,搵位收藏都好頭痛,怕且都要勁有錢同有好大地方嘅影迷先有機會入手啦。

更多電影文章

【電影LOL】今期睇咩戲 禁室殺戮2/咒術屍戰/911算命律師/看不見的愛/聖慾

【電影LOL】《末日先鋒:戰甲飛車》戰車拍賣 $1起標價高未必得

【電影LOL】《22世紀殺人網絡 復活次元》玩紅藍藥丸橋段 chok出18萬款電影片段!

【電影LOL】彗星撞地球世界末日!巨星雲集《千萬別抬頭》梅麗史翠普演總統影射邊個?

【電影LOL】宮崎駿又退休唔成做企畫 吉卜力首套全電腦動畫《安雅與魔女》

【電影LOL】導演爆《水行俠2》變恐怖片 Jason Momoa造型由巨型栗米變暗綠龍王

【電影LOL】Daniel Craig最後一戰!《007 : 生死有時》上畫前夕 片商推紀錄片造勢

【電影LOL】《尚氣》唔夠人氣 迪士尼搵梁朝偉狂做訪問谷戲

【電影LOL】打鬥連場 係咪虐老?75歲史泰龍拍《轟天猛將》外傳

按此下載 Yahoo APP 9月免費送一萬個蛋撻王Q嘜蛋撻,仲有貓山王榴蓮冰皮月餅/鳳梨奶黃月餅同你賀中秋,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能