【電影LOL】型男小田切讓首部自編自導自演日劇 親身上陣扮爆粗警犬

日本男神小田切讓演技出眾,穿衣風格亦相當獨特,一向被稱為型男嘅佢形象多變,電影同劇集嘅戲路完全唔同!參與電影大多數係入選國際影展嘅藝術電影,劇集反而比較多喜劇搞怪。

出道多年迎來首部自編自導自演NHK劇集,小田切讓決家拍警犬故事オリバーな犬、(Gosh!!)このヤロウ(台譯: 《奧莉佛是狗,(天哪!!)這傢伙》)!劇集同勵志、溫情、感動人心嘅警犬生活有些少出入,警犬奧莉佛咸濕、食煙、宿醉開工仲講嘢超mean,最爆係小田切讓親身上陣飾演奧莉佛!

呢套日劇得3集,講述故事由池松壯亮飾演嘅警官與他的搭檔警犬「奧莉佛」(小田切讓飾)一同查案嘅故事。奧莉佛嚟自英勇神犬家族,明明懶到唔肯練跑又唔聽指令仍然得到高度讚賞,主人池松壯亮有個咁嘅拍檔係行正衰運,因為成日被鬧唔好影衰奧莉佛!

為咗演好不良警犬,小田切讓定裝都做咗幾次,務求啲狗毛像真柔順,外型趣怪之餘奧莉佛個性亦相當搶鏡,包括口出狂言狠批由麻生久美子飾演嘅女警官做老女人,又發揮咸濕本身成日向另一女警官本田翼抽水,返工放break就喺後巷食煙同用池松壯亮手機睇女,對白粗口爛舌播出時被NHK消音!

首部自編自導自演劇集,小田切讓竟然選擇做麻甩大叔狗,大熱天時著住成套毛毛狗衫周圍走,型男嘅心思真係好難猜透!不過因為小田切讓,劇集集齊多位日劇紅星,除咗多次於《時效警察》合作嘅麻生久美子外,仲有當紅美少女本田翼,以及國村隼、永瀨正敏、染谷將太、玉城Tina、佐藤浩市同《孤獨的美食家》「五郎先生」松重豐飾演黑幫大佬!

最驚喜係出動埋太太香椎由宇客串,是次係佢闊別7年再次重返瑩幕演出!叫得齊咁多日星仲咁識搞gimmick,難怪一向拍開正能量健康合家歡日劇嘅NHK,肯畀佢拍呢套爆粗警犬!

更多電影文章

【電影LOL】今期睇咩戲 沙丘瀚戰/絕路狂逃/安妮特

【電影LOL】又一套經典重拍 今次係Whitney Houston嘅《護花傾情》

【電影LOL】華納搞串流平台得罪《天能》大導 Christopher Nolan宣布轉會

【電影LOL】泰、韓恐怖片大師合作《凶靈祭》得人驚到要搞開燈放映俾細膽觀眾

【電影LOL】《末日先鋒:戰甲飛車》戰車拍賣 $1起標價高未必得

【電影LOL】《22世紀殺人網絡 復活次元》玩紅藍藥丸橋段 chok出18萬款電影片段!

【電影LOL】彗星撞地球世界末日!巨星雲集《千萬別抬頭》梅麗史翠普演總統影射邊個?

【電影LOL】宮崎駿又退休唔成做企畫 吉卜力首套全電腦動畫《安雅與魔女》

按此下載 Yahoo APP 9月免費送一萬個蛋撻王Q嘜蛋撻,仲有貓山王榴蓮冰皮月餅/鳳梨奶黃月餅同你賀中秋,立即下載!