雅虎香港新聞 【電影LOL】又一套經典重拍 今次係Whitney Houston嘅《護花傾情》
華納電影宣佈將會翻拍1992年由已故樂壇天后雲妮侯斯頓（Whitney Houston）及奇雲高士拿（Kevin Costner）嘅愛情電影《護花傾情》（The Bodyguard)，並由憑The Inheritance獲得東尼獎提名嘅編劇Matthew Lopez執筆。
Matthew橫掃各個舞台劇大獎後成為影壇搶手貨，手頭工作包括將50年代瑪麗蓮夢露主演《熱情如火》改編做音樂劇, 以及為Searchlight影業改編小說Leading Man做電影劇本。
90年代荷里活盛產愛情片，《護花傾情》講述紅透半邊天嘅歌后Rachel (雲妮侯斯頓 飾）受瘋狂歌迷騷擾，仲寄上愛你愛到殺死你恐嚇信，為保人身安全，Rachel請嚟前總統保鑣Frank（奇雲高士拿 飾）貼身保護。
相處間互生情愫，Rachel勇於表違自己感情，偏偏Frank明明對女方有好感。礙於保鑣嘅關係，自覺不應與僱主發生感情而刻意與Rachel保持距離，直至Frank以身為佢擋子彈，Rachel先明白男方心意。
《護》推出至今已經29年，當年電影大熱，票房年度第2高，全球收大約4億美金。年輕影迷未必睇過甚至唔知道有呢套戲，不過對戲中金曲I will always love you、I have nothing、Run to you等應該唔陌生！
由雲妮侯斯頓主唱嘅插曲，獲提名奧斯卡最佳電影原創歌曲，贏咗3個格林美，包括年度大碟等獎項。首歌直至今日都依然係音樂比賽show唱功嘅熱門之選！
電影暫時未公布新版主人翁誰屬，大熱人選包括「雷神」拍檔Chris Hemsworth同Tessa Thompson、《舞出真我》《光豬舞壯士》Channing Tatum同Cardi B等，而另一樂壇小天后Lizzo知道開拍新版《護》後，亦喺社交媒體自薦想同「美國隊長」Chris Evans上演「護花傾情」。
《護》故事情節不外乎相識相知，共患難後互訴心中情，大熱主要因為雲妮候斯頓演唱嘅主題曲太好聽。新版故事要與時並進外，觀眾更好奇套戲會用全新歌曲，定繼續I will always love you? 女主角要唱得好過雲妮，壓力好大喎！
更多電影文章
【電影LOL】華納搞串流平台得罪《天能》大導 Christopher Nolan宣布轉會
【電影LOL】泰、韓恐怖片大師合作《凶靈祭》得人驚到要搞開燈放映俾細膽觀眾
【電影LOL】《末日先鋒：戰甲飛車》戰車拍賣 $1起標價高未必得
【電影LOL】《22世紀殺人網絡 復活次元》玩紅藍藥丸橋段 chok出18萬款電影片段！
【電影LOL】彗星撞地球世界末日！巨星雲集《千萬別抬頭》梅麗史翠普演總統影射邊個？
【電影LOL】宮崎駿又退休唔成做企畫 吉卜力首套全電腦動畫《安雅與魔女》
按此下載 Yahoo APP 9月免費送一萬個蛋撻王Q嘜蛋撻，仲有貓山王榴蓮冰皮月餅/鳳梨奶黃月餅同你賀中秋，立即下載！
