【電影LOL】《聖鬥士星矢》拍真人版 一睇卡士就知有伏味

S
S

相信荷里活原創故事難尋,好嘅劇本更難搵,唯有盡搶小說、動漫改編成電影。日本自家改編真人電影多都數唔哂,荷里活都唔弱,先後改編過《龍珠》、《死亡筆記》等,不過效果通常嚇人!多次劣評仍然無損佢咃改編意慾,最新作品包括將車田正美嘅《聖鬥士星矢》搬上大銀幕!

《聖》於1986年開始連載,後改成電視動畫,講述5位青銅戰衣聖鬥士:星矢、冰河、紫龍、阿瞬及一輝,為保護女神雅典娜爆發小宇宙打生打死嘅故事。幾位後生仔經常打到連命都唔要嘅盡做精神喺亞洲大受歡迎,「小宇宙」更成為流行語,故事跟住佢哋成長,戰力聖衣不斷提升!

早於4年前荷里活已經落實購入《聖》版權,依家終於有進展!根據The Hollywood Reporter 報導,男主角「星矢」將由日本國寶級靚仔新田真劍佑飾演, 近年轉戰美國嘅佢增磅操肌參演《悍戰太平洋 2:起義時空》,轉個頭就做男一,發展順利!而女主角「雅典娜」就由《逃出魔幻紀》女星Madison Iseman擔任,唔知佢會唔會跟足造型染一頭粉紫髮色?

其他演員陣容咩種族都有,包括由《權力遊戲》男星Sean Bean飾演送星矢等人接受聖鬥士特訓嘅大有錢佬、雅典娜爺爺「戶田光政」。確定演出嘅仲有第一代《變種特攻》「鳳凰」Famke Janssen、《殺神John Wick》Mark Dacascos及Nick Stahl等人。至於其他幾位聖鬥士由邊個飾演就要等下一波公佈!

真人版電影由日本東映監製,《獵魔士》監製之一的Tomasz Baginski執導,《末世街10號》編劇Josh Campbell及Matthew Stuecken聯合撰寫劇本,「聖鬥士」眾多對戰場面則由《尚氣與十環幫傳奇》Andy Cheng 擔任武術動作指導!

電影早前喺在匈牙利和克羅埃西亞完成拍攝,現正進行後期製作,預計2023年上映。台前幕後陣容暫時睇有大片格,暫時未想像到真人版可以點神還原又不失霸氣地出「天馬流星拳」、「蘆山昇龍霸」、「星雲鎖鏈」等招數,希望唔會又一次中伏!

更多電影文章

【電影LOL】今期睇咩戲 凶靈祭/#PTGF出租女友/小馬寶莉:新世代/撲克神算師

【電影LOL】《毒魔》新片突然提早10月上畫 出呢招暗示會同蜘蛛俠合作?

【電影LOL】型男小田切讓首部自編自導自演日劇 親身上陣扮爆粗警犬

【電影LOL】又一套經典重拍 今次係Whitney Houston嘅《護花傾情》

【電影LOL】華納搞串流平台得罪《天能》大導 Christopher Nolan宣布轉會

【電影LOL】泰、韓恐怖片大師合作《凶靈祭》得人驚到要搞開燈放映俾細膽觀眾

【電影LOL】《末日先鋒:戰甲飛車》戰車拍賣 $1起標價高未必得

【電影LOL】《22世紀殺人網絡 復活次元》玩紅藍藥丸橋段 chok出18萬款電影片段!

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!