【電影LOL】亞洲電影節港產片名單好吸引 《12夜》姊妹作《12日》楊潮凱執導sheshe片《喜歡妳是你》

·3 分鐘文章

第18屆香港亞洲電影節將於10月27日至11月14日舉行,今年以「解禁多元 破隔十八」解放觀眾想像力為題,更搵嚟大熱「試當真」成員游學修、許賢(海鹽)及蘇致豪擔任影展大使,佢咃會為亞洲影展帶嚟咩火花及創作,令人期待。

大會日前陸續於社交網站公布影展名單,暫時公布嘅本地薑電影套套都好吸引,以2套愛情片《12日》、《馬達蓮娜》為影展開幕。前者由林愛華執導,佢另一套作品描寫20出頭戀愛觀《12夜》成為愛情小品經典,由鄧麗欣、馬志威主演嘅《12日》,描寫婚姻關係,少咗激情多咗柴米油鹽嘅愛情又會係點呢?

《馬達蓮娜》由周秀娜及張繼聰主演,講述失婚中年漢馬達因晚上不能入睡而成為夜班的士司機。蓮娜從大陸來到澳門打工。深夜下班的她上了他的車,兩人誤打誤撞成為朋友。蓮娜自言除了工作就什麼都沒有,認識到同樣孤身隻影的馬達,兩人之間產生了微妙的關係。

閉幕電影則交俾《點對點》《逆向誘拐》導黃浩然新作《緣路山旮旯》,故事講述男主角拍5次拖,無獨有偶個個女朋友都住喺山旮旯例如長洲、下白泥、大澳等,拍拖接送耐過去台北,同住香港卻享受遠距離戀愛!《緣》將於亞洲電影節作世界首映,由岑珈其、余香凝、陳漢娜、梁雍婷、蘇麗珊及張紋嘉主演。

「隆重呈獻」部份則有沈錫然首次執導,由鄭伊健、任賢齊主演嘅喜劇《洗碗天團》,今次2位唔再做霸氣江湖中人,無飛車槍戰只有密密洗碗!故事講述二世祖買起洗碗工場做小生意,請咗一群不被社會接納的邊緣人幫手洗碗,過程笑料百出,漸漸因為佢咃嘅純真和真誠,觸動咗兩位一心想偷雞的腦細,改變咗兩佬唏噓枯燥的人生。

另一套「隆重呈獻」《喜歡妳是你》由楊潮凱及吳詠珊合導,談善言與楊偲泳主演,講述李詠藍就讀傳統教會女校,愛情對她來說一直停留在對異性傾慕的狀態,直到她遇上李芯悅。由閨密開始,兩人逐漸探索彼此之間的關係。友情還是愛情,根本早有主宰。本地少有女女愛情故事。

今屆嘅「特別推介」為許鞍華導演新作《第一爐香》,電影早於去年於威尼斯影展作全球首映,改編自張愛玲短篇《沉香屑•第一爐香》,想睇許導如何處理葛薇龍(馬思純 飾)為愛墮落、花花公子喬琪喬(彭于晏 飾)利用愛情滿足物慾,影迷萬勿錯過!

開幕電影

《12日》

《馬達蓮娜》

閉幕電影

《緣路山旮旯》

隆重呈獻

《洗碗天團》

《喜歡妳是你》

特別推介

《第一爐香》

更多電影文章

【電影LOL】今期睇咩戲 凶靈祭/#PTGF出租女友/小馬寶莉:新世代/撲克神算師

【電影LOL】《聖鬥士星矢》拍真人版 一睇卡士就知有伏味

【電影LOL】《毒魔》新片突然提早10月上畫 出呢招暗示會同蜘蛛俠合作?

【電影LOL】型男小田切讓首部自編自導自演日劇 親身上陣扮爆粗警犬

【電影LOL】又一套經典重拍 今次係Whitney Houston嘅《護花傾情》

【電影LOL】華納搞串流平台得罪《天能》大導 Christopher Nolan宣布轉會

【電影LOL】泰、韓恐怖片大師合作《凶靈祭》得人驚到要搞開燈放映俾細膽觀眾

【電影LOL】《末日先鋒:戰甲飛車》戰車拍賣 $1起標價高未必得

【電影LOL】《22世紀殺人網絡 復活次元》玩紅藍藥丸橋段 chok出18萬款電影片段!

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能