【電影LOL】拍到片商要賣盤 《007:生死有時》堅持戲院放映有回報 有望打破《復仇者聯盟4》開畫紀錄

《007:生死有時》片期一改再改終於等到正式上映,作為丹尼爾基克 (Daniel Craig)最後一次飾演占士邦意義重大,佢最近就獲封與「占士邦」軍階相同嘅英國皇家海軍榮譽中校,表揚佢作為「007」嘅貢獻。

電影宣傳亦不敢怠慢,日前於英國倫敦舉行世界首映禮,據報首映花費接近1億港元,除咗片中一眾主演外,「水行俠」Jason Momoa、前任「M」Judi Dench亦有到場支持,更獲皇室成員包括查理斯王子及夫人卡米拉、威廉王子、凱瑟琳王妃出席撐場,認真威水!

《生死有時》北美地區舉行咗影評場,暫時爛蕃茄網(Rotten Tomatoes)錄得89%新鮮度,評價次於系列嘅《智破天凶城》、《智破皇家賭場》。負評多指今集角色、故事線太多,不過作為Daniel Craig最後嘅007電影,《生》依然可觀!Daniel Craig嘅演出則獲一致好評,女主角蕾雅絲端都盛讚Daniel將007演得有血有肉,充滿人性!

今集007以IMAX 70亳米菲林拍攝,據外娛Deadline報導《生》以IMAX拍攝嘅片段長達40分鐘,屬系列首次。難怪MGM片廠因幾度延期上映而蝕錢,搞到要賣盤俾Amazon都堅持套戲要上戲院,因為要喺大銀幕放映先感受到畫面有幾震撼!等咗咁耐終於苦盡甘來,英國預售錄得超好反應,1日預售數字已經超過《007:鬼影帝國》1個月預售票房,預測有機會接近《復仇者聯盟4》開畫成績!

《007生死有時》講述占士邦(丹尼爾基克 飾)原本在牙買加享受低調人生,但安穩一時,迎來無限美女、未知危機和槍林彈雨,才是真正的特務風骨!他的一位 CIA 舊友 Felix Leiter 突然現身求助,表面上的任務只是營救被綁架科學家,查探下去卻發現背後陰謀超乎想像,令他身陷神秘黑手主宰的高科技殺局...

至於大家好關心007繼任人,製片Barbara Broccoli就大賣關子話2022年先開始諗喎!電影9月30日正式上映。

更多電影文章

【電影LOL】今期睇咩戲 凶靈祭/#PTGF出租女友/小馬寶莉:新世代/撲克神算師

【電影LOL】鄭保瑞8年新作《智齒》chur盡主角 林家棟:係攞命拍法!

【電影LOL】亞洲電影節港產片名單好吸引 《12夜》姊妹作《12日》楊潮凱執導sheshe片《喜歡妳是你》

【電影LOL】《聖鬥士星矢》拍真人版 一睇卡士就知有伏味

【電影LOL】《毒魔》新片突然提早10月上畫 出呢招暗示會同蜘蛛俠合作?

【電影LOL】型男小田切讓首部自編自導自演日劇 親身上陣扮爆粗警犬

【電影LOL】又一套經典重拍 今次係Whitney Houston嘅《護花傾情》

【電影LOL】華納搞串流平台得罪《天能》大導 Christopher Nolan宣布轉會

【電影LOL】泰、韓恐怖片大師合作《凶靈祭》得人驚到要搞開燈放映俾細膽觀眾

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!