【Yahoo Lunch K・Backstage】肉體出軌定精神上出軌? 李靖筠咁樣揀...

·3 分鐘文章

大家好,又係我咪霸小新嘅訪問時間,今次嘅嘉賓係李靖筠 Gladys。啱啱睇完佢同吳林峰一齊玩嘅【Yahoo Lunch K】,除咗唱咗好多好聽嘅好歌,佢哋都講咗好多關於今次Gladys新歌《像極了愛情》MV概念同埋出軌嘅經歷?!(誤)想知佢同吳林峰有咩出軌經歷?大家記得重溫喇~ 半小時節目令人感受到Gladys嘅坦率、健談而且轉數極快。所以今日我就來問吓Gladys嚟緊嘅動向同埋新歌嘅概念啦。

《像極了愛情》
《像極了愛情》

Gladys表示最近主要忙緊新歌《像極了愛情》宣傳,同埋繼續「出軌三部曲」,第二部曲暫定於7 月尾推出。節目內Gladys同吳林峰分享咗唔少對「出軌」嘅睇法,有觀眾留言問Gladys:接受肉體上出軌定精神上出軌呢?估唔到Gladys諗都無諗過就揀「肉體上出軌」,佢寧可對方只係滿足肉體上嘅慾望而唔係愛上對方,佢話如果對方真係出軌,佢會想了解對方咁做嘅原因先,因為出軌都係一個選擇。而吳林峰就喺節目內大方分享自己曾經「出軌」嘅經歷,大家想知佢做過啲咩呢?睇重播就知喇!

Gladys 最近亦有綜藝節目同劇集即將同大家見面,而且疫情下比較難舉辦實體活動,所以工作性質主要維持喺網上平台居多,都希望大家能夠多多支持。講起綜藝,Gladys話自己能夠主持網上選秀真人騷《冤枉新秀訓練營》真係好興奮,但係亦都好緊張,因為要背好曬所有頭尾Tag而且感覺專業,係非常大嘅挑戰,亦覺得自己嘅主持功力有待改進。佢覺得都係主持飲食或旅遊節目會相對輕鬆。但係喺節目裡面認識到各位參賽者,感受佢地果團火都即刻令自己工作更有動力!不過佢亦坦言自己非常佩服參賽者嘅勇氣,換著自己參加其他類型嘅真人騷可以,但係選秀真人騷就真係唔好啦⋯⋯Gladys覺得自己未必承受到比賽嘅壓力。講起節目,我都睇咗少少網上預告見到七仙羽師傅果集,我真係笑爆嘴,亦都非常佩服Gladys嘅應對能力。Gladys表示事前已經有睇過七師傅嘅節目,做好曬功課,點知去到現場先發覺「真係好難接(笑)」,師傅嘅功力真係好難招架~~講到依度我哋都大笑起來⋯⋯

Gladys與七仙羽師傅
Gladys與七仙羽師傅

Gladys亦表示同七師傅合作係非常歡樂嘅一次體驗。咁我再問Gladys,會唔會想向主持嘅方向發展,Gladys話暫時工作已經排得好密,未有打算,而且最愛嘅音樂上仍有好多新領域想嘗試,例如再寫多啲歌,編曲上參與更多等等。而Gladys都希望大家記起佢嘅時候係諗起一種屬於Gladys嘅音樂風格,希望畀人耳目一新及別樹一格。所以我都衷心希望Gladys新歌大成功,而「Gladys」音樂風格會慢慢植根喺聽眾心裡面吧!

Gladys、筆者小新
Gladys、筆者小新

睇更多YAHOO LUNCH K BACKSTAGE內容:

【Yahoo Lunch K・Backstage】聲夢十強誕生 被淘汰學員有咩打算?

【Yahoo Lunch K・Backstage】何雁詩恨生B 自資出碟後最想挑戰跳舞歌

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能