中國最美童星林妙可近照曝光 被指外表崩壞似大媽

內地童星林妙可08年喺北京奧運開幕儀式上咪嘴事件而「爆紅」，憑佢標緻可愛嘅外表，令佢留下深刻印象，更被譽為「中國最美童星」。事隔十幾年，林妙可已經21歲，近日佢獲邀出席品牌活動，身穿深藍色連身裙嘅佢都遮唔住佢圓潤嘅身型，遠睇勁似一個大媽，昔日仙氣不再。林妙可嘅打扮一啲都唔似二十歲嘅青春少女，反而成熟老土，而且身型肥胖，臉部圓潤已經肥到無咩輪廓線條，再加上發出油光，網民覺得佢外表崩壞，同旁邊兩位年紀較大嘅女士無咩分別，一啲星味都無。林妙可都知網民多次對佢身材作出批評，佢曾經喺節目講過：「我真的是在減肥，多一點運動這樣子。」喺佢微博都曾經見過佢瘦嘅相，不過近排可能又肥返。

林妙可除咗身型外，學歷都被網友批評，網民將佢同其他童星前輩作比較，大部份都畢業於三大著名藝術大學《北京電影學院》﹑《中央戲劇學院》﹑《上海戲劇學院》，但但林妙報考北京電影學院落榜，只係就讀南京藝術學院, 令大家都好擔心佢嘅星途。

相關內容：08年北京奧運「中國最美童星」 21歲星味仙氣盡失似大媽 - 林妙可相集

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！