中韓KOL Sue Chang 自爆兩度隆鼻失敗造成永久疤痕 告誡觀眾學會接受自己

人氣中韓KOL Sue Chang（張厚耀）平時多數喺YouTube分享與家人嘅生活及旅遊影片，不過近日就拍咗一條「我的隆鼻血淚史」，於鏡頭面前分享自己曾兩度隆鼻失敗致歪鼻和留有疤痕嘅慘痛經歷，亦藉親身經歷告誡觀眾唔好隆鼻，直言每個女生都有唔同嘅靚，係獨一無二。

Sue Chang分享第一次隆鼻係喺2015年，當時於韓國進行「矽膠加耳軟骨隆鼻」隆鼻手術，手術後出現臉部浮腫、鼻樑旁生水泡等發炎及排斥情況，即使已回韓國搵醫生將水泡裡面嘅液體排出，但仍未有改善：「我嗰一刻就喺度諗，我係咪毀咗容呢？」醫生於是建議取出鼻裡假體；Sue Chang於隆鼻手術半年後取出假體，但鼻樑留有凹位至今，令佢後悔並直指唔應該拖成3個月先取出假體：「好多化妝師幫我化妝時都會問係咪水痘印或眼鏡印，但其實呢個位我都唔知點同佢哋解釋，係之前整容失敗嘅印。」另外，Sue Chang指取出假體後嗰兩個月曾一度歪鼻，心情非常低落，幸好半年後，鼻子慢慢回復到原本嘅樣子。

翌年，貪靚嘅Sue Chang因為要影Pre-wedding而打透明質酸微調；2020年，鼻子開始無立體感而決定再去打針，6年間共打過3次透明質酸令鼻樑變得立體。不過，Sue Chang直言不甘第一次隆鼻失術失敗，再次冒起二次重建念頭，2022年喺香港搵咗間整容診所。即使醫生已告知第二次手術會較複雜，但佢仍堅持進行二次重建手術，術後休息咗約兩星期並花更多心思去護理。不過突然發現傷口出現異物，複診時再被告知係假體穿咗嘅硬物，需要將假體取出。Sue Chang遭遇第二次失敗，內心比上次平靜：「我唔貪心了，如果能夠回到原本鼻子的模樣，我已經會很開心。」取出假體後，Sue Chang指容貌焦慮感變少，終於能夠輕鬆看待自己：「鼻子裡面沒有異物感，也不用擔心小孩會不會撞到鼻子，神經也沒有再痛，真的很神奇。」最後Sue Chang表示要定義一個人好唔好睇，並實唔止係睇個鼻、眼睛，而是睇整體及自身氣質，並告誡觀眾唔好隆鼻，要學會接受自己。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！