企業強人丨譚俊彥黑化惡意攻擊陳豪被激讚好戲 冷漠囂張微表情帶出奸狡感

由騰訊視頻和TVB聯合製作嘅劇集《企業強人》正在熱播中，劇集集結兩位視帝譚俊彥和陳豪、龔嘉欣、張曦雯、姜大衞、謝東閔、李芷晴及吳子冲等演員。譚俊彥於劇內飾演徐道明，首集出場就親眼目睹從商嘅哥哥因破產負債跳樓自殺身亡，幾乎由頭喊到落尾，近日劇情講述譚俊彥黑化，再次令其成為追看焦點。

徐道明（譚俊彥飾）著重數據分析和擁更現代化管理概念，曾是趙愷（陳豪飾）頭號愛將，及後轉職為投資公司成峰資本高級合伙人。日前兩集講到，徐道明因深愛嘅女人宋翹（張曦雯飾）瞞住自己墮胎感憤恨，並認為宋翹此舉與仍愛趙愷有關，於是對趙愷連串惡意攻擊，幕後唆擺三大物流商聯手以高價搶快遞員，世代員工醞釀離職，趙愷請文浩幫忙挫低三大物流股價，逼其董事叫停挖角潮。另外，徐道明更與方芳（龔嘉欣飾）正面交鋒，要脅轉讓天空城股權，背後買家正係三大物流商。面對宋翹未忘趙愷及與趙愷對抗，譚俊彥並無太多激動表情，但憑冷漠囂張嘅微表情跳以帶出奸狡感覺，唔少網民都大讚好戲，指佢做得較自然及唔會過度浮誇，又指譚俊彥於劇中嘅西裝穿搭相當加分。

網民又對譚俊彥係咪繼姜大衞後劇中最大奸角感到好奇：「譚仔好嘢，走奸角呢條路」、「做得唔錯，感覺唔知忠定奸咁，眼神好緊要」等等，而其實譚俊彥於警匪電影《爆裂點》中亦曾飾演大反派，不但為角色特意曬得較黑，每日亦喪跑15K及斷食激減18磅。今次出演《企業強人》，為演出書生感，亦按照監製要求回復白淨。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！