保錡@ERROR上載與八両金父子合照 網民：自嘲，成熟既表現

ERROR成員吳保錡（保錡）入行後一直被指與八両金撞樣，仲試過因為咁而喺直播中以粗口還擊網民，惹出退團風波，事後佢承認令佢受到好大壓力，經過深思熟慮後會做一個謹慎嘅人。去到今日凌晨，保錡喺社交網站上載幾年前與八両金父子嘅合照，並自稱係 「八両家族的一份子」。

保錡喺社交網站上載與八両金父子嘅合照，並寫上：「不經不覺巳經加入八兩家族一段時間，張相2018年嘅時候影，突然相簿彈返出嚟，我都唔記得咗自己有呢一張相，10月是一個好月份，要跟大家分享了，感恩自己能成為八兩家族的一份子(自認未得仍可加入)，跑吧小丑。」

呢個PO一出，唔少網民紛紛留言表示似樣及欣賞佢，例如 「由俾人話似八兩金，到宜家俾人話八兩金似你～你有好大既進步 加油～將你最好一面show俾人睇～令hater都變fans」、「三父子合照 你宜家個樣有少少似汪東城，學多啲型像改造就會又有新體驗。加油」、「你靚仔過細佬！」、「靚仔過老豆 青出於藍」、「真係同八両金同框喎」、「記得你、初時的人話你是八両金、你好唔開心、現在人成熟咗、有又正能量、欣賞你⋯」、「真係好似，餅印咁。你似佢個仔多過佢個仔講真」、「一家團聚啦！一個八兩，一個六兩，點解你得三兩？」、「自嘲，成熟既表現~」、「三父子拍住上」、「似又有咩問題喎！大家都喺努力搵食努力拼搏，我反而好欣賞添！不過…..真喺幾似樣」、「好似樣 3父子」及 「懂得自嘲都係一種智慧」等等；同時亦有網民認為保錡同八両金唔似樣，留言話 「由第一日認得你開始都唔覺得你似 而家有相為證更加唔似」、「拍埋就唔似啦」、「已經完全唔似了」及 「其實我一啲都唔覺得你似，大佬加油」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！