全民造星4︱王牌A1 MOTION發揮超水準 B組曬冷演出落敗東東被淘汰

《全民造星IV》截圖
《全民造星IV》截圖

​​​​ViuTV選秀真人騷《全民造星IV》進行得如火如荼,第三回合淘汰賽有不少深得網民喜愛及有實力嘅參賽者被foul,例如咖喱及Sica等等,淘汰名單引起網民不滿。去到噚晚(8日),第四回合淘汰賽(30強進25強)正式展開,兩組同樣分5局進行對戰,「死亡名單」由導師許廷鏗及梁祖堯擬定,每局比賽落敗嗰一組,「死亡名單」上嘅參賽者就會被淘汰。而A組及B組「死亡名單」嘅第一順序就係Ika同東東,由於B組落敗嘅關係,東東成為今個回合第一位淘汰嘅參賽者。

第四回合淘汰賽搵嚟余迪偉、馮允謙(Jay)、鄭欣宜、梁釗峰及黃修平擔任評判,而打頭陣出場嘅就已經係最強陣容嘅王牌A1 MOTION,成員包括子涓、芯駖、超酸、Win Win、So Ching、Marf及CK,佢哋以跳唱形式表演《T7-Look at how you look at me》,各人都表現出超水準,評判仲話佢哋已經有女團台型,特別係Marf、CK同Win Win都得到評判高度評價。

而只有10人嘅B組就選擇「曬冷」總動員演出,佢哋以東東、馬欣及方方做骨幹成員,加入舞台劇藝術元素演唱《浮雕》,呢個表演成功吸引評判,雖然黃修平表示非常鍾意,不過余迪偉就認為B組唱功麻麻。最終A組以四藍一紅勝出,Ika暫時安全,東東被即時淘汰,而B組下一位出局候補係主打Rap嘅Karen。

《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖
《全民造星IV》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!