全民造星5︱阿澤投訴王鋒突然轉陣惹熱議 網民反應兩極

《全民造星V》阿澤&王鋒
《全民造星V》阿澤&王鋒

ViuTV選秀節目《全民造星V》現正進行得如火如荼,藍紅兩組對決激烈,噚晚(7日)最新一集繼續係60強參賽者爭入40強,除咗Dance Battle之外,自選項目亦終於都有得睇啦!

噚晚最多人討論嘅就係fung莎星辰A組(王鋒、樂庭、Dai Bon、Jackson、Aaron及Tim)對戰蕾安多芬B組(成員:Tsoul、Stick、阿澤、白水、James及Kingston),雖然喺錄影前一日Tim因確診已退賽,不過一班參賽者未有被突發事件而影響,表現依然亮眼,尤其係大熱門之一王鋒,獲得評判Tim@Dear Jane及王君馨點名大讚。

去到評判準備撳燈嘅時候,阿澤突然舉手表示有嘢想講:「因為我哋本身dance battle都有一齊練習咁樣嘅,我同王鋒其實有一個位suppose係夾咗嘅,但係佢突然變陣,我唔知有冇影響到觀感。」 之後,Tim就即刻答:「完全冇,好好睇,所以放心,唔使諗太多。」最終蕾安多芬B組以4比1勝出。

雖然蕾安多芬B組勝出,不過阿澤喺「鬆一口氣房」表示贏咗都唔開心:「其實而家心情有啲複雜嘅,因為就算贏咗其實我係唔開心,表演中間出現咗啲問題,去到Dance battle尾段嘅時候,其實我同王鋒本身夾咗一啲嘢,係想呈現一個好特別畫面俾觀眾睇咁樣嘅,但係現場表演嘅時候,王鋒突然之間自己轉陣,冇做到本身排嘅step,咁我當下係有啲愕然同埋個腦空白咗,諗點解要咁做,咁我有少少疑惑,我唔係好知係咩情况,我覺得應該有啲事要講出嚟,等評判可以公平咁樣去判決,所以我講出嚟。」

節目出街後,網民對事件反應兩極,有人認為阿澤有失風度,留言話「幫對面隊加分」、「嘩 直接隊人出嚟」、「有咩好講」、「講呢啲做咩 有乜用」、「紅組要請PR」、「好小家救命」、「收聲啦 下下都兜觀感好差」及「事後爆咪算 比分前講真係扣分」等等。亦有網民認為王鋒唔啱,留言話:「對王鋒反感」、「但聽完紅組解釋,王峰為左搶鏡突然改動作跳落台,覺得佢為人好差」、「夾好左又唔跳,其實有啲怪,俾我都會有唔開心。」、「基本啦,黃鋒尾後針有冇聽過」、「王峰臨時轉陣更唔啱吧 隨時害死對面」、「明眼人一睇就知阿澤俾王鋒跣啦, 其實點剪都好, 事實就係王鋒陰咗阿澤一嘢, 咁嘅行為, 已經放咗喺觀眾心入面, 之後點都唔好支持呢條友㗎喇」及「咁聽返其實王峰都幾機心重 夾好左上到台最後一刻先改 唔識執生真係會企左係到」等等。

《全民造星V》截圖
《全民造星V》截圖
《全民造星V》截圖
《全民造星V》截圖
《全民造星V》截圖
《全民造星V》截圖
《全民造星V》截圖
《全民造星V》截圖
《全民造星V》截圖
《全民造星V》截圖
《全民造星V》截圖
《全民造星V》截圖
《全民造星V》截圖
《全民造星V》截圖
《全民造星V》截圖
《全民造星V》截圖
《全民造星V》截圖
《全民造星V》截圖
《全民造星V》截圖
《全民造星V》截圖
《全民造星V》截圖
《全民造星V》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!