冰上火花|前微辣藝人Roberto馬檇鏗戲份重 網民不滿:唔該cut哂所有戲份

《冰上火花》馬檇鏗(Roberto)
《冰上火花》馬檇鏗(Roberto)

ViuTV劇集《冰上火花》由MIRROR三子陳卓賢(Ian)、江燁生(AK)以及楊樂文(Lokman)以及林愷鈴、黃溢濠、朱鑑然及柯煒林等主演,描寫一班冰球運動員嘅成長故事。劇集現已踏入第二周,由前微辣藝人馬檇鏗(Roberto)飾演嘅張立基帶領嘅南亞幫全隊加入火花隊,睇住一班兄弟與火花隊混熟,自己遲遲未獲杜sir(袁富華飾)派作正選,心情難受。Roberto今星期戲份較重,亦落力於社交平台PO出多張劇照宣傳新劇,不過網民對於佢嘅演出就評價兩極。

自微辣前經理人阿晶於7月份抑鬱輕生事件後,微辣旗下藝人被波及,遭到大批網民聲討及抵制與微辣有關嘅活動,Roberto、劉蘊晴(Rachel)、佩男、思男本身於7月底來港出席《TheNextwave》音樂節,但大會宣布4人皆唔會出席。之後唔少微辣藝人都與微辣割蓆,宣布已離開微辣,直至指罵聲音回落,潛咗水嘅微辣藝人先逐漸上水,不過部分網民見到Roberto有份演出《冰上火花》感到不滿:「見到件紅毛就憎,微辣不了」、「好搵唔搵,搵失德公司微辣藝人」、「成集講紅毛,完全無吸引力」、「可以繼續逍遙拍劇,天理不容」、「毒辣偽人,吾該cut哂所有戲份」等等,但都有網民認同Roberto嘅演技,留言指:「今集張立基,幾好呀,又交到戲,都感人喎,友情,親情,愛情。人物描述好細緻」、「其實佢做得幾好…可惜因為微辣事件影響左」、「張立基又做得幾好」、「我十年冇睇電視都睇你,加油」、「張立基,愛你呀,加油」、「張立基加油,做得好好」等等。雖然Roberto出身自微辣令部分網民不滿,但《冰上火花》一眾主演演員亦照樣與Roberto於社交平台互動,似乎微辣事件對Roberto拍劇與其他演員合作方面未有太大影響。

《冰上火花》劇照
《冰上火花》劇照 (ViuTV Facebook)
《冰上火花》劇照
《冰上火花》劇照 (ViuTV Facebook)
馬檇鏗(Roberto)
馬檇鏗(Roberto) (Roberto IG)
馬檇鏗(Roberto)
馬檇鏗(Roberto) (Roberto IG)
馬檇鏗(Roberto)
馬檇鏗(Roberto) (Roberto IG)
馬檇鏗(Roberto)
馬檇鏗(Roberto) (Roberto IG)
馬檇鏗(Roberto)
馬檇鏗(Roberto) (Roberto IG)
馬檇鏗(Roberto)
馬檇鏗(Roberto) (Roberto IG)
馬檇鏗(Roberto)
馬檇鏗(Roberto) (Roberto IG)

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!