前港姐麥皓兒喊爆遭收音師非禮:佢扯開我條裙掂到我內褲

前港姐麥皓兒喊爆遭收音師非禮:佢扯開我條裙掂到我內褲
前港姐麥皓兒喊爆遭收音師非禮:佢扯開我條裙掂到我內褲

前港姐麥皓兒近日拍劇,遭同場收音師「不禮貌對待」,由於涉及非禮行為,她覺得未能啞忍,故於社交平台「點名」公開對方的惡行!她接受東網訪問時,依然深感委屈一度爆喊,她表示:「我拍緊兩套劇,其中《下流上車族》前晚首日開工,估唔到遇到啲咁嘅情況。佢(收音師)係外判員工,一開始已翻開我件衫,想喺『雞心位』幫我黐咪,當時我已經驚到用手護胸,佢好似完全覺得自己冇問題。當時因為要打燈,我冇得行開避,所以都算數。」

豈料對方變本加厲,她續說:「個咪冇電,充完電攞返嚟,佢竟然扯開我條裙想攝落去!我喺社交平台唔想寫太多,其實已經掂到我條打底褲、甚至內褲,仲要左右移動咁搵位黐,佢嘅舉動令我覺得驚訝及不安,完全肆無忌憚!」她坦言加入無綫這麼多年,遇上的台前幕後很有愛:「好似大家庭咁。以前黐咪,收音師會搵女性工作人員幫我,如果唔係都會畀個咪我自己黐,佢咁樣真係完全違反專業操守,影衰晒業界,樹大有枯枝囉!(追究?)已經同監製講咗,佢哋會處理嘞。」

她坦言事發後不斷接獲同事問候,力撐她要公開此事,問到男友邱梓謙有何反應,她說:「佢話即使佢係男仔,都未試過咁嘅情形,幕後同事唔會亂咁接觸藝人嘅身體,佢斥責今次行為相當過分!」

麥皓兒自爆遭收音師非禮。
麥皓兒自爆遭收音師非禮。
麥皓兒發文鬧爆!
麥皓兒發文鬧爆!
麥皓兒認為絕不能啞忍。
麥皓兒認為絕不能啞忍。
仲講到喊!
仲講到喊!
邱梓謙斥責今次行為相當過分。
邱梓謙斥責今次行為相當過分。
麥皓兒係前港姐。
麥皓兒係前港姐。
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能